Tamba no Anhu Anoda Djehovha

Ngei tecidikana kutamba no Anhu anoda Djehovha? Ngokuti anhu angatikweya kuti tiite zvakanaka kana zvakashata. (Zvie 13:20) Ngo muezaniso, Mambo Djoashi “wakaita zvakanaka pamberi pa Djehovha” pa nguwa yaaishamwaridzana no Mudiri Mukuru Djeoyadha. (2Mak 24:2) Pasure po kufa ka Djeoyadha, Djoashi wakasiya kunamata Djehovha nge ndaa yokushamwaridzana no anhu akashata.—2Mak 24:17-19.

Mu zana re makore rekutanga K.A., muphostori Pauro wakaezanisa ungano no “nyumba huru”, uye hama dze ungano no “midziyo” kana midziyo yo mumba. Isusu tinoda kurumbwa takagara ‘mudziyo we basa rinokudzwa’. Kuti tikwanise kurumbwa takagara midziyo ye basa rinokudzwa, atidikani kushamwaridzana no munhu upi hake asikapfadzi Djehovha, kunyazi ari we anyaukama edu kana imwe hama ye mu ungano. (2Ti 2:20, 21) Tinodikana kurumbwa tecishamwaridzana no anhu anoda Djehovha uye anotibetsa kuti timuseenzere.

ONAI VHIDHIYO YAKAZWI DZIDZA KURAMBA USHAMWARI HWAKAIPA, PEDZEPO DAIRAI MIBVUNZO INOTEERA:

• Kushamwaridzana no anhu akashata kungapinda kudini mu upenyu wedu tisikazvioni?

• Mu vhidhiyo, cinyi cakabetsera hama nhatu kuti dzisiye kushamwaridzana no anhu akashata?

• Ndi dzipi tsamba dze Bhaibheri dzingakubetsera kusanangura shamwari no ruziyo?