Pangidzai Usisi

Munhu unopangidza usisi unokwanisa kuzwisisa zvakawanda nge zve munhu umweni: zvaanorangarira, mazwiro ake uye zviri kumunetsa. Anhu anokwanisa kuona ngo kukasika munhu paanopangidza usisi kaari. Zvingatibetsera kuti tipangidze usisi kutunhudzira cido cedu cekuda kubetsera amweni. Patinopangidza usisi mu basa re kuparidzira, tinonga teciteedzera Djehovha, anoda uye anorangarira anhu ese. Tikadaro anhu atinocedza nawo acada kukhwedera padhuze na Djehovha.—Afi 2:4.

Kupangidza usisi we zvirokwazvo akuizwi zve kubanbidzirhwa. Tingapangidza wara iri nge zviro zvatinoreketa, zvatinoita hope yedu, uye mazwiro edu nge cemukati. Zvakanakawo maningi kupangidza kuti tinopfarira anhu amweni. Ngo muezaniso, kuona kuti ngazvipi zvaanopfarira, zvaanotenda, uye kuti ngaapi magariro e upenyu wake. Tinoita zviri zvese kuti tibetsere anhu ngo mushobo wakasiyana-siyana uye atidikani kuabambidzira kuti acinje. Patinoona anhu akawanda atinoparidzira ecitenda rubetso redu, kucatunhudzira mupfaro wedu mu basa re kuparidzira.

ONAI VHIDHIYO YAKAZWI PFADZWAI NGE BASA REKUITA AFUNDI—GARAI MUPARIDZI ARI NANI—PANGIDZAI USISI, PEDZEPO DAIRAI MIBVUNZO INOTEERA:

• 

  Sara wakapangidza kudini usisi kuna Djadhe paakanonoka kuguma kuti afunde?

• 

  Sara wakapangidza kudini usisi kuna Djadhe paakabhuya kuti waisakwanisapi kufunda ngekuti pane zvaimupisisa musoro?

• 

  Sara wakapangidza kudini usisi kuna Djadhe paakareketa kuti iyena anga asiripi munhu wakarongeka?