Hanzvadzi Dzingatunhudzira kudini Basa Raanoitira Djehovha?

Hanzvadzi dzino basa rinokosha maningi pakutsigira basa re Umambo. (Pis 68:11) Awona anoitisa fundo dze Bhaibheri dzakawanda uye mapiyonero akawanda e nguwa dzese ndi hanzvadzi. Kusiya izvi, mamirionji e hanzvadzi dziri kuseenza no mwoyo wese pa Bheteri, hinga mamisionariyo, adzipiri uye aseenzi e basa re kuwaka uye aturukiri. Hanzvadzi dzakura pane zvekunamata dzinobambisa mhuri dzawo uye ungano. (Zvie 14:1) Kunyazi hanzvadzi dzisikaseenzi hingana akuru kana kuti abati anoseenzera, awona angakwanisa kugara no zvinangwa zve kunamata. Kana muri hanzvadi, ngazvipi zvamungaita kuti mutunhudzire basa ramunoitira Djehovha?

• Edzai kusakurira mawara e kunamata.—1Ti 3:11; 1Pe 3:3-6

• Betserai hanzvadzi dzimweni mu ungano dzisati dzaane uzii we zviro zvakawanda.—Tit 2:3-5

• Edzai kutunhudzira uzii wenyu mu basa re kuparidzira uye tunhudzirai nguwa yamunopedza meciparidzira

• Fundai mureketero umweni

• Endai kunodiwa aparidzi akawanda

• Tarai petisau kuti museenze pa Bheteri kana kuti mubetsere pakuwaka zviwako zve sangano

• Tarai petisau kuti mupinde Cikora ce Aziisi e Umambo

ONAI VHIDHIYO YAKAZWI “ANAKADZI ANOSEENZA NO SIMBA MUNA TENZI,” PEDZEPO DAIRAI MUBVUNZO UNOTEERA:

• Maeshiperiensiya e hanzvadzi idzi anomubambisai kudini?