Gumirai Ungwaru Ucamubetserai mu Upenyu pa JW.ORG

Soko ra Mwari rinotibetsera kuti tishingirire miedzo mazuwa ano ekupedzesera anoshupha. (2Ti 3:1, 16, 17) Kunyazi zvakadaro, nguwa dzimweni tingada kubetserhwa kugumira mazano e Bhaibheri anotibetsera pa zviro zvatinonga tecida. Hinga muezaniso, muri mubereki ari kupsvaka mazano pakurera ana here? Muri mudjaha uri kubatana no zvinetso zvinoedza kutenda kenyu here? Muri mufirhwakadzi kana kuti mwanarume wakafirhwa ari kucema mudiwa wake here? Mucaona mazano akawanda mu jw.org anokwanisa kumubetsera kugumira mazano e Bhaibheri angamubetsera pa zviro izvi uye no migarire dzimweni.—Zvie 2:3-6.

Bayai pakazwi ZVINOFUNDISWA NO BHAIBHERI. (Onai foto 1.) Pa mundandanda unonga wabuda, sanangurai pamunonga mecida. Kana kuti endai pakazwi BIBLIOTECA > SÉRIES DE ARTIGOS uye mosanangura pamunonga mecida. (Onai foto 2.) Mungakwanisawo kugumira zvakawanda mu JW Library^®.a Mucapfadzwa nge kuona masoko amunonga mecida mu mbuto idzi. Mushobo umweni ngewe kugumira musoro dzamunonga mecida meciita zvekupsvakisisa mu jw.org.

Tarai misoro dzinoteera pa mbuto ye kupsvakisisa, uye tarirai misoro dzamunozoda kuerenga.

• Kurera ana adoko

• Kuora mwoyo pa thunga re udjaha

• Kufirhwa no mudiwa