KURARAMA KE CIKRISTU
Pfarai Pamunonga Meciteererhwa
Akristu angaetsera kuteererhwa. (Ju 15:20) Kunyazi kuteererhwa nguwa dzimweni kungatiunzira marhwadzo uye kudzirhya mwoyo, tingakwanisa kupfara kana tikashingirira.—Mt 5:10-12; 1Pe 2:19, 20.
ONAI VHIDHIYO YAKAZWI TINGAKWANISA KUPFARA KUNYAZI TECITEERERHWA, PEDZEPO DAIRAI MIBVUNZO INOTEERA:
Eshiperiyensia ya hama Bazhenov inotifundisei nge zve kukosha ke
kuerenga Bhaibheri mazuwa ese?
kutambira rubetso re Akristu amweni?a
kuita munamato nguwa dzese?
kuemba ngoma dze Umambo?
kubhuya no amweni nge zve kutenda kedu?
a Tinganamatira Akristu ari mukaraboso, tecitobhuya mazina awo kamare. Tinozviziya kuti azvibviri ku dare re firiari kutumira matsamba edu ku aya ari mukaraboso.