Bhaibheri rinonyanya kureketa maka-maka nge zve Umambo wa Mwari. Djehovha acaseenzesa Umambo uu kuti acinje nyika igare Paraizo. Asi Umambo uu cinyi? Tingazviziya kudini kuti iwona waakutonga? Umambo uu wakakwanisa kuitei dakara zvino? Uye cinyi caucazoita mune ramangwana? Fundo ino no dzimweni mbiri dzicateera dzicadaira mibvunzo idzi.

1. Cinyi cinozwi Umambo wa Mwari, uye ndiyani Mambo wakhona?

Umambo wa Mwari ndi utongi wakagadzwa na Djehovha. Mambo wakhona ndi Djesu Kristu, uye ayena anotonga ari kudenga. (Mateu 4:17; Juau 18:36) Bhaibheri rinobhuya kuti Djesu “acagara Mambo . . . nokusikaperi.” (Ruka 1:32, 33) Hinga Mambo we Umambo wa Mwari, Djesu acatonga anhu ese pa ari nyika.

2. Ndiani acazotonga na Djesu?

Djesu aatongi ari ega. Anhu e “madzinza esse, mareketero no anhu . . . acatonga hingana madzimambo pamusoro pe nyika” pamwepo naye. (Zvakapangidzwa 5:9, 10) Angana acatonga pamwepo na Kristu? Kubvira Djesu paakauya pa nyika, mamirionji e anhu akagara aKristu. Asi zvinoreya here kuti aKristu ese acatonga pamwepo naye? Haiwa. Anokwana 144 000 basi ndiwo acaenda kudenga kootonga pamwepo na Djesu. (Erengai Zvakapangidzwa 14:1-4.) AKristu amweni ese anonga ari pa nyika pano ecitongwa ne Umambo wa Mwari.—Pisarema 37:29.

3. Ngei Umambo wa Mwari ndiwona wakanaka kudarika utongi we anhu?

Kunyazi anyautongi paanoedza kuita zviro zvakanaka, awona aana simba re kuita zvese zvaanoda. Uye inoguma nguwa ye kuti awona anobviswa pokandwa umweni pamweni asikadi zvakanakira anhu. Asi Mambo we Umambo wa Mwari, Djesu, aazombobviswi kana kutsiiwa no munhu umweni. Mwari ‘akakanda Umambo usikazomboparadzwi’. (Dhanyeri 2:44) Djesu acatonga nyika yese uye ayena aazobati anhu zvakasiyana. Iyena ane rudo, usisi uye unatsi, uye acafundisa anhu kuti abate amweni ngo mushobo umwewo, no rudo, usisi uye unatsi.—Erengai Isaya 11:9.

4. Umambo wa Mwari ucatonga nyika yese

Djesu ane simba rakakura maningi re kuti atonge kudarika mutongi upi hake wakamborarama. Erengai Mateu 28:18, pedzepo cedzai nge zve mubvunzo unoteera:

• Simba rina Djesu re kutonga rakasiyana papi no re atongi e anhu?

Utongi we anhu unocinja nguwa ne nguwa, uye umwe na umwe wawo unotonga dii rimwe basi re nyika. Asi kuzoti Umambo wa Mwari kei? Erengai Dhanyeri 7:14, pedzepo cedzai nge zve mibvunzo dzinoteera:

• Ngei zvakanaka kuziya kuti Umambo wa Mwari “auzoparadzwi?”

• Zvakanakirei kuziya kuti Umambo wa Mwari ucatonga nyika yese?

5. Utongi we anhu unodikana kubviswa

Ngei Umambo wa Mwari unodikana kucinja utongi we anhu? Onai VHIDHIYO, pedzepo cedzai nge zve mubvunzo unoteera:

VHIDHIYO: Umambo wa Mwari Cinyi?—Isikazi Kureba (1:41)

• Ngaipi migumisiro yakashata ye kutonga ke anhu?

Erengai Muparidzi 8:9, pedzepo cedzai nge zve mibvunzo dzinoteera:

• Munoda kuti Umambo wa Mwari unodikana kucinja utongi we anhu? Ngei mecidaro?

6. Umambo wa Mwari une atongi anotizwisisa

Mambo wedu Djesu akararama hinga munhu we nyama uye ndiyo ndaa ayena “anozwisisa kutama kedu simba.” (Ahebheru 4:15) Kusiyana na izvi, Djehovha akasanangura anarume uye anakadzi akagondeka anokwana kuita 144 000 kuti atonge pamwepo na Djesu, anhu e “madzinza ese, mareketero no anhu.”—Zvakapangidzwa 5:9.

• Munozwa kudini nge kuziya kuti Djesu no aya aacatonga nawo anozwisisa matambudziko atiri kubatana nawo? Ngei?

7. Mitemo ye Umambo wa Mwari yakanaka maningi kudarika ye utongi we anhu

Atongi anogadza mitemo kuti abetsere uye adziirire anhu. Umambo wa Mwari unawoo mitemo. Erengai 1 Akorinti 6:9-11, pedzepo cedzai nge zve mibvunzo inoteera:

• Munorangarira kuti nyika yaizogara yakadini kudai anhu ese aizwira mitemo ya Mwari?a

• Munoona kuti Djehovha akasisira kuti anhu azwire mitemo ye Umambo wake here? Ngei mecidaro?

• Cinyi cinopangidzira kuti anhu asikazwiri mitemo ii angacinja?—Onai vherisikuro 11.

MUCIGWAGWA

Umambo wa Mwari ndi utongi we zvirokwazvo uri kudenga uye ucatonga nyika yese.

Mibvunzo yekuhwirinzira

• Ndi anani acatonga mu Umambo wa Mwari?

• Ngei Umambo wa Mwari wakanaka maningi kudarika utongi upi hawo we anhu?

• Djehovha anoda kuti anhu aitei kuti akomborerhwe no Umambo wake?

ZIYAI ZVAKAWANDA

Onai zvakafundiswa na Djesu zvakaringana ne kunogara Umambo wa Mwari.

“Umambo wa Mwari Ciro Ciri mu Mwoyo Wenyu Here?” (Fundo ye mu site)

Ngei Apupuri a Djehovha anoona kuti kugondeka ku Umambo wa Mwari kunokosha maningi kudarika kugondeka ku utongi ye anhu?

Kudzipira ku Umambo wa Mwari (1:43)

Onai kuti Bhaibheri rinobhuyei nge zve anhu anokwana kuita 144 000 akasanangurhwa na Djehovha kuti atonge na Djesu.

“Ndivanaani Vanoenda Kudenga?” (Fundo ye mu site, mu ciShona)

Cinyi cakabetsera mwanakadzi umweni ainga ari mu karaboso kuona kuti Mwari basi ndiye anokwanisa kupedza matambudziko e nyika?

“A minha procura por um mundo sem injustiça” (Mukai!, ya Gumiguru wa 2011, mu ciPutukezi)

Umambo wa Mwari wakatanga kutonga mu gore ra 1914. Ndipo pakatanga mazuwa e kupedzeserea e utongi we anhu. Tinozviziya kudini? Onai zvakaphorofithwa no Bhaibheri uye magarire akaita nyika kubvira muna 1914.

1. Uphorofita we Bhaibheri unopangidzei?

Bhuku ra Dhanyeri rinotibetsera kuzwisisa kuti Umambo wa Mwari waizotanga kutonga pakupera ke nguwa inozwi “nguwa nomwe.” (Dhanyeri 4:16, 17) Mazana e makore aa adarika, Djesu akareketa nge zve nguwa ii eciti “nguwa ye madzinza amweni,” uye iyena akafundisa kuti nguwa ii yainga isati yapera. (Ruka 21:24) Nguwa nomwe ii, yaizoperera mu gore ra 1914.

2. Zvinyi zvakaitika mu nyika kubvira mu gore ra 1914?

Afundi a Djesu akabvunzisa kuti: “Zviro izvi zvicaitika riini uye ndi cipi cipangidzo cokuti nyika yaakuda kupera?” (Mateu 24:3) Pa mhinduro yake, Djesu akareketa zviro zvakawanda zvaizoitika mu nyika paaizotanga kutonga kudenga hinga Mambo we Umambo wa Mwari. Zvaizoitika zviro zvakadai hinga hondo, nzara uye zvigidhigidhi. (Erengai Mateu 24:7.) Bhaibheri rinoreketawo nge zve unhu we anhu “mu mazuwa ekupedzesera,” nge ndaa yazvo upenyu waizonga ‘wecishupa kushingirira.’ (2 Timoti 3:1-5) Kubvira muna 1914, zviro izvi zviri kurumbwa zvecibambirira kushata.

3. Ngei zviro zviri kubambirira kushata kubvira Umambo wa Mwari pe wakatanga kutonga?

Nguwa doko Djesu aa agadzwa hinga Mambo we Umambo wa Mwari, ayena akarhwa hondo na Sathani pamwepo no madhimoni ake. Sathani wakaruza. Bhaibheri rinoti: “Iyena wakakhandirhwa pa nyika, uye ngirozi dzake dzakakhandirhwawo pamwepo naye.” (Zvakapangidzwa 12:9,10, 12) Sathani wakatsamwa maningi ngekuti unozviziya kuti ucaparadzwa. Ndiyo nda iyena ecikonzera marwhadzo no matambudziko akawanda mu nyika yese. Azvishamisi kuti zviro izvi zvakashata zviri kuitika! Asi Umambo wa Mwari ucapedza matambudziko ese.

FUNDAI ZVAKAWANDA

4. Uphorofita we Bhaibheri inopangidza gore ra 1914

VHIDHIYO: Umambo wa Mwari Wakatanga Kutonga Muna 1914 (5:02)

Mwari akaita kuti Mambo Nebhukadhinezari we ku Bhabhironi arote hope. Uye hope idzi dzakapangidza zvaizoitika mu nguwa ye mberi. Dhanyeri akapanganidza zvaireya hope dziya, uye hope idzi dzaibatanidza utongi wa Nebhukadhinezari ne Umambo wa Mwari.—Erengai Dhanyeri 4:17.a

Erengai Dhanyeri 4:20-26, pedzepo seenzesai bhokisi riri pa pajina 133 kuti mudaire mibvunzo dzinoteera:

• (A) Nebhukadhinezari akaonei mu hope dzaakarota?—Onai vherisikuro 20, 21.

• (B) Cinyi caizoitika no muti waakaona? —Onai vherisikuro 23.

• (C) Cinyi caizoitika paukupera ke “nguwa nomwe?”—Onai vherisikuro 26.

Muti Wakarothwa na Nebhukadhinezari Zvaunofundisa nge zve Umambo wa Mwari

UPHOROFITA (Dhanyeri 4:20-36)

Utongi

(A) Muti wakakura

Utongi unogumiswa

(B) “Temai muti,” dakara “nguwa nomwe dzapera”

Utongi unotangazve

(C) “Umambo wenyu ucahwirira kamuri”

Kudzadzika ke kutanga ke uphorofita uu . . .

• (D) Muti waimiririra ani? —Onai vherisikuro 22.

• (E) Wakaima kutonga riini? —Erengai Dhanyeri 4:29-33.

• (F) Cinyi cakaitika na Nebhukadhinezari pakupera ke “nguwa nomwe”? —Erengai Dhanyeri 4:34-36.

KUDZADZIKA KE KUTANGA

Utongi

(D) Nebhukadhinezari, Mambo we Bhabhironi

Utongi unogumiswa

(E) Pasure pe gore 606 K.A.A., Nebhukadhinezari wakatanga kuita hinga benzi uye asikacakwanisi kutonga ke makore manomwe

Utongi unotangazve

(F) Nebkukadhinezari unotamba uye anohwirirazve kutonga

Kudzadzika ke cipiri ke uphorofita uu . . .

• (G) Muti waimiririra ani? —Erengai 1 Makoronika 29:23.

• (H) Akaima riini kutonga? Tinozviziya kudini kuti awona aazikumbotonga Djesu paainga ari panyika? —Erengai Ruka 21:24.

• (I) Umambo uu wakahwirirazve kutonga riini uye kupi?

KUDZAZDIKA KE CIPIRI

Utongi

(G) Madzimambo e Israeri aimiririra Umambo wa Mwari

Utongi unogumiswa

(H) Djerusarema rinoparadzwa uye madzimambo e Israeri anoima kutonga ke makore anokwana 2520

Utongi unotangazve

(I) Djesu anotanga kutonga kudenga hinga Mambo we Umambo wa Mwari

5. Nyika yakacinja maningi kubvira mu gore ra 1914

Ridzai VHIDHIYO.

VHIDHIYO: Zviro Zvakacinja pa Nyika Kubva Muna 1914 (1:10)

Djesu akareketa magarire aizoita nyika pasure pekuti aakutonga hinga Mambo. Erengai Ruka 21:9-11, pedzepo cedzai nge zve mubvunzo unoteera:

• Zviro zvipi zvamunoona zveciitika mazuwa ano?

Mupostori Pauro akapanganidza nge zve unhu we anhu mu mazuwa e kupedzesera e utongi we anhu. Erengai 2 Timoti 3:1-5, pedzepo cedzai nge zve mubvunzo unoteera:

• Unhu upi wamunosoona ku anhu mazuwa ano?

6. Tinodikana kutsigira Umambo wa Mwari

Erengai Mateu 24:3, 14, uye pedzepo cedzai nge zve mibvunzo inoteera:

• I basa ripi rinokosha rinopangidza kuti Umambo wa Mwari waakutonga?

• Mungabatanidzwawo kudini pa basa iri?

Umambo wa Mwari waakutonga, uye zuwa rekuti utonge nyika yese yaapadhuze. Erengai Ahebheru 10:24, 25, uye pedzepo cedzai nge zve mubvunzo unoteera:

• Umwe na umwe wedu unodikana kuitei “zvatinoona zuwa recikhwedera padhuze?”

MUCIGWAGWA

Uphorofita we Bhaibheri, no migarire we nyika ino zvinopangidza pamhene kuti Umambo wa Mwari waakutonga. Tinopangidza kutenda kedu mu zviro izvi ngo kuparidzira uye kupinda misangano.

Mibvunzo yekuhwirinzira

• Bhuku ra Dnyeri rareketa nge zve nguwa nomwe. Cinyi cikaitika pakupera ke nguwa ii?

• Cinyi cinoita kuti mutende kuti Umambo wa Mwari wakatanga kutonga mu gore ra 1914?

• Mungapangidza kudini kuti munotenda kuti Umambo wa Mwari waakutonga?

ZIYAI ZVAKAWANDA

Onai zvi norekethwa no azii amweni nge zve zviro zvakaitika mu nyika kubvira mu gore ra 1914.

“O tempo em que a moral foi corrompida drasticamente” (Mukai!, ya Mhingani wa 2007, mu ciPutukezi)

Onai kuti uphorofita uri pana Mateu 24:14 wakacinja kudini upenyu we mwanarume umweni.

“Hapana Chimwe Chandaida Kupfuura Baseball!” (Murindiri wa N.° 3 2017, mu ciShona)

Tinozviziya kudini kuti uphorofita uri pana Dhanyeri kapituro 4 rinoseenzeswa pa Umambo wa Mwari?

“Umambo hwaMwari Hwakatanga Kutonga Riini?—Chikamu 1” (Murindiri, wa 1 ya Cikunyana wa 2014, mu ciShona)

Tinozviziya kudini kuti “nguwa nomwe” dzinopanganidzwa pa Dhanyeri kapituro 4 dzakaperera mu gore ra 1914?

“Umambo hwaMwari Hwakatanga Kutonga Riini?—Chikamu 2” (Murindiri wa 1 ya Gumiguru wa 2014, mu ciShona)

Umambo wa Mwari waakutonga kedenga. Nokukasika iwona ucaita cinjo dzakakura pa nyika pano. Ngatione zviro zvinganani zvakanaka zvicaizwa no Umambo.

1. Umambo wa Mwari ucaunzisa kudini runyararo uye unatsi pa nyika?

Djesu, Mambo we Umambo wa Mwari, acaparadza anhu anoita zvakashata uye utongi we anhu pa hondo ye Amagedhoni. (Zvakapangidzwa 16:14, 16) Izvi zvikaitika, cipikirhwa ce Bhaibheri cinoteera cicadzaddzika: “Katosara nguwa shomanani uye anhu anoita zvakashata aacazoonekizve.” (Pisarema 37:10) Peciseenzeswa Umambo wa Mwari, Djesu acaunzisa runyararo uye unatsi munyika yese.—Erengai Isaya 11:4.

2. Upenyu wedu unonga wakaita kudini kana kuda ka Mwari kukaitika pa nyika?

Rangaridzai mecirarama mu nyika yekuti anhu ese anonga aanatsi uye akanaka, uye ese anoda Djehovha no adoni awo! Ndizvo zvicaitika mu Umambo wa Mwari ngekuti “anatsi acagara nhaka ye nyika, uye acararamemo nokusikaperi.” (Pisarema 37:29) Apana munhu ucazorhwarazve, uye ese acararama nokusikaperi.

3. Umambo wa Mwari ucaitei mumasure mekuparadzwa ke anhu anoita zvakashata?

Mumasure mekuparadzwa ke anhu anoita zvakashata, Djesu acatonga ke makore 1000. Mu nguwa ii, ayena uye anokwana kuita 144 000 acatonga naye acabetsera anhu pa nyika kuti agare akakwana. Kumapeto ke makore aya, nyika yese icagara Paraizo yakarungama, uye anhu ese acagara ecipfara ngekuti anonga ecizwira mitemo ya Mwari. Ngo kudaro, Djesu acahwirinza Umambo kuna Baba ake Djehovha. Zina ra Djehovha “ricaceneswa” kupinda kare. (Mateu 6:9, 10) Zvicanyasa kugara pamhene kuti Djehovha anoda anhu. Djehovha acaparadza Sathani, madhimoni no munhu wese unosanangura kupandukira utongi Wake. (Zvakapangidzwa 20:7-10) Nge ndaa ye Umambo wa Mwari, upenyu ucagara wakakwana nge mushobo, uye izvi zvicagara nokusikaperi.

FUNDAI ZVAKAWANDA

4. Umambo wa Mwari ucaparadza utongi we anhu

Bhaibheri rinobhuya kuti “munhu unotonga umweni wake ecimukuwadza.” (Muparidzi 8:9) Djehovha acaseenzesa Umambo wake kuti apedze kubathwa kese kusina unatsi.

Erengai Dhanyeri 2:44 uye 2 Atesaronika 1:6-8, pedzepo cedzai nge zve mibvunzo dzinoteera:

• Djehovha na Djesu acaitei no utongi we anhu no aya anoutsigira?

• Mecirangarira zviro zvese zvamakafunda nge zva Djehovha na Djesu, ngei mungagara no rugondo rekuti acatonga zvakanaka?

5. Djesu ndi Mambo wakakwana

Hinga Mambo we Umambo wa Mwari, Djesu acaita zviro zvakawanda zvakanaka kuti abetsere anhu panyika. Ridzai VHIDHIYO icapangidza kuti Djesu anoda kubetsera anhu uye kuti Mwari akamupasa simba rekuzviita.

VHIDHIYO: Djesu Akapangidza Zvicaizwa ne Umambo (1:04)

Zviro zvakaizwa na Djesu paainga ari panyika i muezaniso we zviro zvaacaita hinga Mambo we Umambo wa Mwari. Pa mundanda uu we makomborero, ngeapi amuri kuetsera kuti aitike kamari? Erengai tsamba dze mu Bhaibheri dzinobhuya zvakawanda nge zve makomborero aya.

6. Umambo wa Mwari ucaunzisa ramangwana rakanakisisa

VHIDHIYO: Dutu Zvariri Kukhwedera Padhuze, Grai Makakanda Ndangariro Dzenyu Pana Djesu!—Makomborero Acaunzwa no Umambo (4:38)

Erengai Pisarema 145:16, pedzepo cedzai nge zve mubvunzo unoteera:

• Munozwa kudini ngekuziya kuti Djehovha “acagutisa zvido zve zviro zvese zvinorarama?”

MUCIGWAGWA

Umambo ucaita zvese zvinodiwa na Mwari kuti zviitike. Ucacinja nyika kuti igare paraiso ino anhu akawanda akanaka acanamata Djehovha nokusikaperi.

Mibvunzo yekuhwirinzira

• Umambo wa Mwari ucacenesa kudini zina ra Djehovha?

• Ngei tingatendera kuti Umambo wa Mwari ucadzadzisa zvipikirhwa zvese zviri mu Bhaibheri?

• Pa zviro zvese zvicaizwa no Umambo wa Mwari, ngazvipi zvamunonyanya kuda kuti zviitike?

ZIYAI ZVAKAWANDA

Onai kuti cinyi cinozwi Amagedhoni.

“Chii Chinonzi Hondo yeAmagedhoni?” (Fundo ye mu site, mu ciShona)

Erengai nge zve zviro zvicaitika mu makore 1000 pa kutonga ka Djesu. Erengaiwo zvicaitika mu masure me makore 1000.

“Cinyi Cinozwi Kutambudzika Kukuru?”(Fundo ye mu saiti

Onai kuti mhuri dzingarangaridza kudini dziri mu paraiso.

Ona Uri muParadhiso (1:50)

“Ndaiva nemibvunzo yakawanda yaindinetsa,” onai kuti mupanduki we zvematongerhwe e nyika wakagumira kudini mhinduro dzaaipsvaka.

“Bhaibheri Rinocinja Upenyu” (Murindiri wa 1 ya Mavhiza wa 2012)