Proverbios

15 Te kʼalal lamalnax* ya yichʼ sutel te kʼope, ya xlamaj yuʼun te ilinba,

pero te kʼop te kʼux* ta aʼiyel ya yakʼ xtoyxan te ilinba.

 2 Te kʼalal ya xkʼopojik te machʼatik ay spʼijil yoʼtanik, ya stuuntesik ta lek te bin snaʼojik,

pero te skʼopik te machʼatik maʼyuk spʼijil yoʼtanik jaʼ ya yal te bintik ya yal te machʼa ma snaʼ kʼinal.

 3 Te sit te Jehová spisil ya yil stukel,

yak ta yilel te machʼatik chopolik* sok te machʼatik lek yoʼtanik.

 4 Te machʼa lamalnax* te skʼop jaʼ teʼ yuʼun kuxlejalil,

pero te kʼopetik te ya xloʼlaywan ya yakʼbey swokol te oʼtanil.

 5 Te machʼa ma snaʼ kʼinal ma xyichʼ ta mukʼ te tojobtesel yuʼun te stat,

pero te machʼa ay spʼijil yoʼtan ya schʼuun te tsitsel.*

 6 Ta sna te machʼa toj yoʼtan ay bayal kʼulejalil tey-a,

pero te machʼa chopol* ya x-akʼot ta wokol yuʼun te sbiluk ya stae.

 7 Te machʼatik pʼij yoʼtanik ya spukik ta alel te bin ay ta naʼel ta swenta te bin ya yalik,

pero ma jichuk yoʼtan stukel te machʼatik maʼyuk spʼijil yoʼtanik.

 8 Te Jehová ya yilay te milbil majtanil yuʼun te machʼatik chopolik,*

pero ya x-akʼbot stseʼelil yoʼtan te oración ya spas te machʼa jun yoʼtan.

 9 Te Jehová ya yilay te sbe te machʼa chopol,*

pero kʼux ta yoʼtan te machʼa ya spas tulan ta sleel te bin stojil ta pasel.

10 Te machʼa ya yijkitay te be, ma lek* ya yaʼiy te tojobtesel,

pero machʼauk-a te ya spʼaj te tsitsel* yame xlaj.

13 Te machʼa tseʼel yoʼtan tseʼelnax sit yelaw,

pero te machʼa ay ta wokol yoʼtan ya xlaj yip yoʼtan yuʼun.

14 Te yoʼtan te machʼa ay bin ya yichʼbey swentail ya sle te bin ay ta naʼel,

pero te ye te machʼatik maʼyuk spʼijil yoʼtanik jaʼ sweʼelinojik te bitʼil ma snaʼik kʼinal.

15 Te machʼa ay swokol spisil-ora ma lek ya yil te jujun kʼajkʼal,

pero te machʼa ay stseʼelil yoʼtan spisil-ora ay ta mukʼul kʼin ya yaʼiy.

16 Jaʼ lekxan te jtebnax jbiluktik, pero te jxiʼojtik te Jehová,

ma jaʼuk te bayal jkʼulejaltik, pero te pichʼil koʼtantik.

17 Jaʼ lekxan te ya jweʼtik jun plato itaj te banti ay kʼuxul oʼtanil,

ma jaʼuk te ya jweʼtik jujpʼen toro te banti ay pʼajaw.

18 Te machʼa oranax ya x-ilin ya sjach kʼop,

pero te machʼa lamal yoʼtan* ya slamantes te kʼope.

19 Te sbe te chʼajil ants winik nojel ta chʼix,

pero te sbe te machʼatik toj yoʼtanik pamalnax stukel.

20 Te nichʼanil te ay spʼijil yoʼtan ya yakʼbey stseʼelil yoʼtan te stat,

pero te nichʼanil te maʼyuk spʼijil yoʼtan ya spʼaj te snan.*

21 Te machʼa maʼyuk spʼijil yoʼtan jaʼ ya smulan spasel te bin ya spas te machʼa ma snaʼ kʼinal,

pero te machʼa ay bintik ya snaʼ stsajtayel* jaʼ ya stʼun te tojil be.

22 Te kʼalal ma xyichʼ albeyel skʼoplal* te bin ya yichʼ pasel, maba lek ya xkʼot ta lokʼel,

pero te kʼalal ay bayal jtojobteswanejetik lek ya xkʼot ta lokʼel te bin ya yichʼ pasel.

23 Te machʼa leknax ay bin ya yakʼbey sujtib ya x-akʼbot stseʼelil yoʼtan,

¡sok leknax te kʼalal ay bin ya yichʼ alel ta yorail!

24 Te machʼa ay spʼijil yoʼtan jaʼ ya stʼun te be te ya x-ikʼawan bael ta lekil kuxlejalil,

ma jaʼuk ya stʼun te be te ya x-ikʼawan koel ta Mukenal.*

25 Te Jehová ya sjinbey sna te machʼa ya stoy sba,

pero ya skanantay te banti ay te stiʼil skʼinal te meʼba antse.

26 Te Jehová ya yilay te bintik ya schapbey skʼoplal te machʼa chopol,*

pero ya smulan te kʼopetik te tʼujbiliknax ta aʼiyel.

27 Te machʼa ma stojiluk ya sta skʼulejal ya yakʼbey swokol te machʼatik ay yuʼun ta sna,

pero ayme skuxlejal te machʼa ma stsak majtanil yuʼun ay bin ma lek ya yichʼ pasel.

28 Te machʼa toj yoʼtan nail ya snop ta lek te kʼalal ya sut te kʼop,

pero te machʼatik chopolik* jaʼnax ya xlokʼ ta yeik te bintik chopol.

29 Te Jehová namal* ay ta stojol te machʼa chopol,*

pero ya yaʼiybey s-oracion te machʼa toj yoʼtan.

30 Te machʼa tseʼelnax sit yelaw ya yakʼ tseʼel oʼtanil,

te kʼalal ay bin lek ya yichʼ aʼiyel stojol ya yakʼbey yip* te baketik.

31 Te machʼa ya schʼam yaʼiy te tsitsel* te ya yakʼ kuxlejalil

sjokinoj ta nainel te machʼatik ay spʼijil yoʼtanik.

32 Te machʼa ma schʼuun te tojobtesel ya spʼaj te skuxlejal,

pero te machʼa ya schʼuun te tsitsel* yame xkʼot ta yoʼtan te bintik ay ta ichʼbeyel swentail.

33 Te xiʼel te Jehová ya snojptes te ants winik ta yakʼel ta ilel pʼijil oʼtanil,

sok teme pekʼel ya yakʼ sba ya yichʼ albeyel yutsil skʼoplal.