Proverbios

 2 Ya stejkʼan sba ta sba te chʼin witsetik

te ayik ta be sok ta cruceroetik.

 3 Ta stsʼeel te puertaetik yuʼun te mukʼul lum,

ta yochibal te mukʼul lum,

jich tulan yak ta yalulanel:

 4 «Jaʼex, ta apisilik, yak kikʼbelex;

ya jkʼoponex ta tulan ta apisilik.*

 5 Jaʼex, te mato ayuk bin ya anaʼik, nopaik te pʼijil oʼtanil;

jaʼex, te maʼyuk spʼijil awoʼtanik, akʼa pʼijubuk te awoʼtanik.

 6 Aʼiya awaʼiyik stojol, melel mukʼ skʼoplal te bin ya kale,

te kʼalal ya jam ke, jaʼ ya kal te bin stojil.

 7 Melel, kʼun-nax ya xlokʼ tal ta ke te bin smelelil,

te ke ya spʼaj te bin chopol.*

 9 Spisil te kʼopetik ini ya xkʼot ta yoʼtan te machʼa ay spʼijil yoʼtan,*

jaʼnix jich toj ya yil te machʼatik staojik te bin ay ta naʼel.

10 Ichʼaik te tojobtesel kuʼun, ma jaʼuk te plata,

sok ichʼaik te bin ay ta naʼel, ma jaʼuk te lekil oro.

11 Melel jaʼ lekxan te pʼijil oʼtanil, ma jaʼuk te tʼujbil tonetik yuʼun mar,*

maʼyuk bintik mulantik sba te ya xjuʼ ta pajel soke.

12 Joʼon, te pʼijil oʼtanilon, ya jnaʼ stsajtayel jba;*

jtaoj te bin ay ta naʼel sok ya jnaʼ stuuntesel te snopojibal kuʼun.

Ya jpʼaj te machʼa mukʼ ya skuy sba, te toybail,

te chopol be sok te bintik chopol ya yichʼ alel.

14 Ay lekil tojobtesel kuʼun sok pʼijil oʼtanil;

jaʼ kuʼun te bintik ay ta ichʼbeyel swentail sok te yakʼel mantal.

15 Jaʼ ta jwenta te yakik ta wentainwanej te ajwaliletik

sok jaʼ ta jwenta te ya yakʼik tojil mantaliletik te machʼatik yichʼoj mukʼ yaʼtelik.

16 Jaʼ ta jwenta te yakik ta wentainwanej te jwolwanejetik

sok jaʼ ta jwenta te toj ya xchajpanwanik te machʼatik mukʼ skʼoplalik.

17 Kʼux ta koʼtan te machʼatik kʼuxon ta yoʼtan

sok yame staonik te machʼatik ya sleonike.

18 Ay jkʼulejal sok kutsilal,

ay bintik ay kuʼun te ma xlaj* sok stojil te bin ya jpas.

19 Jaʼ lekxan te jsit ya kakʼe, ma jaʼuk te oro —ni jaʼuk te lekil oro—;

jaʼ lekxan te bintik ya kakʼe, ma jaʼuk te lekil plata.

20 Ya xbeenon ta tojil be

sok ya xbeenon ta yolil te be yuʼun te bin stojil ta pasel;

21 te machʼatik kʼuxon ta yoʼtan ay bin lek ya kakʼbey jilel

sok ya jnojesbey ta lek te yawil sbilukike.

22 Jaʼ nail la spason te Jehová ta spisil te bintik la spas,

jaʼ te sbabial yaʼtelon skʼab ta namey kʼinal.

23 Namey la kichʼ pasel,

ta sjajchibalto, jaʼto tal te kʼalal mato ayuk-a te balumilal.

24 La kichʼ pasel te kʼalal mato ayuk-a te skʼubulil jaʼetik,

te kʼalal mato ayuk-a te slokʼib jaʼetik te banti ya xtʼom lokʼel tale.

25 La kichʼ pasel te kʼalal mato yichʼoj akʼel ta yawil-a te witsetik,

te kʼalal mato ayuk-a te chʼin witsetik,

26 te kʼalal mato spasoj-a te balumilal, te lumkʼinal

ni jaʼuk te lum te swoltiklanoj sba.

27 Tey ayon-a te kʼalal la schajpan te chʼulchan.

Te kʼalal la spʼis te banti staoj sbaik yilel te stiʼil te chʼulchan sok te mar,

28 te kʼalal la yakʼ te tokal ta chʼulchan,

te kʼalal la snojes ta jaʼ te mar,

29 te kʼalal la yalbey ta mantal te mar

te ma xjuʼ ya xmal lokʼel te banti akʼbil te stiʼile,

te kʼalal la yakʼbey yiptajib te balumilal,

30 tey jokinoj-a te Dios jich te bin-utʼil te machʼa pʼijuben ta lek ta spasel te aʼtelile.

Ta jujun kʼajkʼal kʼax tseʼel yoʼtan ta jtojol,

jaʼnix jich spisil-ora tseʼel koʼtan ta stojol-euk.

31 Tseʼelnax koʼtan yuʼun te la yichʼ pasel te balumilal swenta ya yichʼ nainel,

sok jaʼ kʼux-xan la kaʼiy ta koʼtan te ants winiketik.*

32 Jnichʼnab, aʼiya awaʼiyik te jkʼop.

¡Tseʼelnaxme yoʼtan te machʼatik ya stʼunik te beetik kuʼun!

33 Aʼiya awaʼiyik stojol te tojobtesel, jichme ya ata spʼijil awoʼtanik;

mame ayuk bin-ora ya akʼaxuntayik te tojobtesel.

34 Tseʼelnaxme yoʼtan te machʼa sabto ya xkʼot*

ta stiʼ jna ta jujun kʼajkʼal ta yaʼiyel te jkʼope,

te ya stejkʼan sba ta smaliyel ta yochibal jna;

35 melel te machʼa ya staone yame sta skuxlejal

sok lekme ya x-ilot yuʼun te Jehová.

36 Pero, te machʼa ma xyichʼon ta wenta jaʼnix ya yutsʼin* sba,

te machʼatik ya spʼajonik yuʼun jaʼ ya skʼanik te lajele».