Te bintik ya yichʼ nopel

Te sbabial articulo ya schol bin yuʼun ya skʼan te jun koʼtantik ya jmaliytik te bin ya spas te Jehová. Jaʼnix jich ya kiltik ejemploetik yuʼun winiketik sok antsetik ta namey kʼinal te jun yoʼtanik ta stojol Dios te ya skoltayotik ta snaʼel malab. Te schebal articulo jaʼ ya yalbeyxan skʼoplal te bintik ya xjuʼ ya spas te Jehová te ma jichuk maliybil kuʼuntike. Jaʼ-abi ya yakʼbeyxan yip te smukʼul koʼtantik ta stojol Dios te kʼalal jun koʼtantik yakto jmaliybeltik te bin lek ya spas te Jehová ta jtojoltik.

Te sbabial articulo ya schol kaʼiytik te bin ya skʼan ya yal te maʼyuk bin-ora ya jchaʼlaptik te pokol kuxlejalile, bin yuʼun tulan skʼoplal te jich ya jpastik sok bin-utʼil ya xjuʼ kuʼuntik. Te schebal articulo ya yalbey skʼoplal bayal ta chajp taleliletik te jaʼ yuʼun te yachʼil kuxlejalile sok ya yal bin-utʼil ya xjuʼ ya kakʼtik ta ilel ta jkuxlejaltik sok ta scholel skʼop Dios.