8-14 yuʼun febrero

Kʼayojil 123 sok skʼoponel Dios

Sjajchibal aʼiyej (1 min.)

«Te Jehová ya schajpan te pueblo yuʼun» (10 min.)

Bintik mukʼ skʼoplal ta Biblia (10 min.)

• Nú 1:2, 3. ¿Bin yuʼun te la yichʼik ajtayel te israeletike? (it-1 paj. 1231).

• Kʼalal la akʼopon te Biblia, ¿bin la anop ta swenta Jehová, ta scholel skʼop Dios o yantikxan?

Skʼoponel te Biblia (4 min.): Nú 1:1-19 (th leksion 5).

Sbabial buelta aʼiyej (3 min.): Tuuntesa te ejemplo te ay ta slajibal pajina. Patil japa jun kurso yuʼun Biblia sok akʼa ta ilel te bideo ¿Bin utʼil ya yichʼ akʼel nojptesel yuʼun te Bibliae?, mame xa atsum te bideo (th leksion 9).

Rebisita (4 min.): Tuuntesa te ejemplo te ay ta slajibal pajina. Jaʼ xa awalbey te bin ya smulan te ants winik sok akʼbeya yil jun teksto yuʼun Biblia (th leksion 12).

Diskurso (5 min.): w08-S 1/7 paj. 21. Titulo: Teme ay 13 ta chajp te stsʼumbal Israel, ¿bin yuʼun te jaʼnax 12 ta chajp ya yichʼ albeyel skʼoplal? (th leksion 7).

Kʼayojil 57

«Chapalotik ta scholbeyel skʼop Dios ta spisil ants winiketik» (10 min.): Yilel ta komon sok te machʼatik ayik ta tsoblej. Akʼa ta ilel te bideo Amigoina te Jehová: Chola skʼop Dios ta yan kʼopil. Ilbeya skʼoplal te bintik-utʼil ya xjuʼ ta tuuntesel te JW Language^®.

Te banti ya skʼan ya x-aʼtej te kongregasion (5 min.)

Snopel skʼop Dios ta kongregasion (30 min.): lv kap. 5, parr. 1-6; rekuadro, paj. 60-61.

Slajibal aʼiyej (3 min.)

Kʼayojil 124 sok skʼoponel Dios