¿Yabal amulan ya x-ochat ta prekursor auksiliar ta marso o ta abril?

¿Yabal amulan ya x-aʼtejatxan ta stojol te Jehová ta yorail te Konmemorasion? (2Co 5:14, 15). Ta marso sok abril te prekursor auksiliaretik ya xjuʼ ya spasik 30 o 50 ora. Teme ya akʼan ya x-ochat ta prekursor auksiliar, akʼbeya jun solisitud te Komite yuʼun Serbisio ta Kongregasion. Ta cheb u ini ya yichʼ alel ta kongregasion te machʼatik ochik ta prekursor auksiliar, yuʼun jich te ermanoetik ya xjuʼ ya xkoltaywanik-a. Jpastik tulan yuʼun ya jlekubtestikxan te bin-utʼil ya jcholtik skʼop Dios sok akʼa jmukʼubtesbey jba koʼtantik ta yorail te Konmemorasion (1Te 5:11).