KAKʼTIK TA ILEL TE JCHʼUUNOJTIK DIOSE

¿Chapalatbal te kʼalal ya xtal tulan wokol ta swenta takʼin?

¿Bin yuʼun ma yanuk ya kiltik te ay wokolil ta swolol Balumilal ta swenta te takʼine? Melel yakotikix ta kuxinel ta slajibal kʼajkʼal, te Biblia jaʼmal ya yalbotik te manchuk ya kakʼtik smukʼul koʼtantik: «Ta stojol te kʼulejalil te ya xlaj skʼoplale» (1Ti 6:17; 2Ti 3:1). ¿Bin-utʼil ya skoltayotik te ejemplo yuʼun te ajwalil Jehosafat te kʼalal ya xtal tulan wokol ta swenta takʼin?

Te kʼalal bajtik ta ochintayel yuʼun te skontratak te Jehosafat, la yakʼ smukʼul yoʼtan ta stojol te Jehová (2Cr 20:9-12). Jaʼnix jich ay bintik spasojix-a te Jehosafat yuʼun ya skanantay te nación, jich bitʼil te joytaybil ta tsʼajkʼ te lume sok la yakʼ soldadoetik yuʼun ya skanantayik (2Cr 17:1, 2, 12, 13). Jaʼnix jich te joʼotike, ya skʼan ya smukʼulin koʼtantik te Jehová sok ya skʼan ya jchajpan bajtik te kʼalal mato xtal-a te wokolile.

¿BIN-UTʼIL YA XJUʼ JCHAJPAN BAJTIK TE KʼALAL MATO XTAL TULAN WOKOL TA SWENTA TAKʼIN?

Chajpana-aba ta swenta te schʼuunel awoʼtan. Tseʼeluk awoʼtan sok te bin ay awuʼun, sok akʼa smukʼulin awoʼtan te jaʼ ya yakʼbat te Jehová te bin ya xtuun awuʼun ta jujun kʼajkʼal (Mt 6:26; 1Ti 6:8). Akʼa ta awoʼtan te maʼyuk bin ora ya akʼaxuntay te mantaliletik yuʼun te Jehová, manchukme maʼyuk te bintik ya xtuun awuʼune (Ro 2:21). Jaʼnix jich, nopa bin-utʼil ya ata te bintik ya xtuun awuʼun ta swenta te schʼuunel awoʼtan, teme maʼyuk luz o Internet. Ya xjuʼ ya akʼej publicacionetik, jaʼnix jich pasa descargar.

Chajpana-aba ta swenta te bin ya xtuun awuʼun. Manchuk ayuk bayal abet sok ma xa alajin bayal atakʼin te bitʼil mato ayuk tulan wokol ta swenta takʼin (Pr 22:7). Teme ya xjuʼ, kʼeja weʼelil o yantikxan te bintik ya xtuune. Ay lugaretik te bayal ya xkoltayotik teme ay yuʼunik jun hortaliza, yuʼun ma slajin bayal stakʼinik-a.

KʼALAL LA AWILIX-A TE VIDEO ¿BIN-UTʼIL YA XJUʼ YA JCHAJPAN JBATIK KʼALAL YA XKʼAX JUN WOKOLIL?, AKʼBEYA SUJTIB TE JOJKʼOYELETIKE:

Sfotoil te video «¿Bin-utʼil ya xjuʼ ya jchajpan jbatik kʼalal ya xkʼax jun wokolil?». Dibujo yuʼun jpajk Biblia, jun mochila yuʼun emergencia, jun celular sok j-ateletik te ayik ta jun construcción.

¿Bin-utʼil ya achajpan aba te kʼalal mato ayuk-a te wokolile?

Sujtib

Sfotoil te video «¿Bin-utʼil ya xjuʼ ya jchajpan jbatik kʼalal ya xkʼax jun wokolil?». Dibujo yuʼun hermanoetik te yakik ta yakʼel koltayel ta yorail wokol. Chaʼoxtul ayik ta construcción sok ay yantik te yakik ta skoesel cajaetik ta carro.

¿Bin-utʼil ya achajpan aba yuʼun ya akoltay te yantike?

Sujtib