13-19 YUʼUN OCTUBRE
ECLESIASTÉS 7, 8
Kʼayojil 39 sok skʼoponel Dios | Sjajchibal aʼiyej (1 min.)
1. Konik «ta sna te machʼatik ya yokʼetayik te machʼa laj yuʼunik»
(10 min.)
Jlokʼestik tiempo yuʼun ya kakʼbeytik smukʼul yoʼtanik te machʼatik ayik ta mel-oʼtan (Ec 7:2; w22.01 pág. 16, párr. 9).
Ya xjuʼ ya kakʼbeytik smukʼul kʼinal yaʼiyik kʼalal ya kalbeytik skʼoplal te tʼujbil taleliletik ay yuʼun-a te machʼa lajem yuʼune (Ec 7:1; w19.06 pág. 23, párr. 15).
Kʼoponaik Dios sok te machʼa ay ta mel-oʼtan (w17.07 pág. 16, párr. 16).
AYUKME TA AWOʼTAN INI: Te machʼatik ay machʼa lajem yuʼunik bayalniwan tiempo ya skʼanik koltayel ta stojol te hermanoetik (w17.07 pág. 16, párr. 17-19).
2. Bintik mukʼ skʼoplal ta Biblia
(10 min.)
Ec 7:20-22. ¿Bin-utʼil ya skoltayotik te versiculoetik ini yuʼun ya jtatik ta nopel teme ya jkʼopontik te hermano te ay bin ma lek la yal ta jtojoltik? (w23.03 pág. 31, párr. 18).
¿Bintik mukʼ skʼoplal la anop te kʼalal la akʼopon te Biblia ta semana ini?
3. Skʼoponel te Biblia
(4 min.) Ec 8:1-13 (th lección 10).
4. Jacha awaʼiyej
(2 min.) SCHOLEL SKʼOP DIOS TE BANTI YA XKʼAX BAYAL ANTS WINIKETIK. Ilawil te bin tema ya smulan te ants winik sok chapaik te bin-ora ya xjuʼ ya xkʼopojex yan buelta (lmd lección 2 punto 4).
5. Jacha awaʼiyej
(2 min.) SCHOLEL SKʼOP DIOS TA BAYUK (lmd lección 2 punto 3).
6. Chaʼulaʼtaya
(2 min.) TA NANATIK. Albeya te yakuk x-och ta página kuʼuntik ta Internet jw.org (lmd lección 9 punto 4).
7. Chola te bin achʼuunoje
(5 min.) Escenificación. Ijwfq-S artículo 50 Tema: ¿Bin ya spasik te Testigoetik yuʼun Jehová te kʼalal ya xlaj jtul yermanoik? (th lección 17).
Kʼayojil 151
8. Akʼbeya yichʼ yip te smukʼul awoʼtan ta swenta te chaʼkuxajel
(15 min.) Yilel ta komon sok te machʼatik ayik ta tsoblej.
Jun majtanil te kʼax mukʼ skʼoplal te yakʼojbotik te Jehová, jaʼ te chaʼkuxajel. Te bin yalojbotik ta jamal te Jehová ya yakʼ kiltik te tʼujbil taleliletik yuʼune, te jaʼ Dios te bayal yuʼel, te ay spʼijil, te ya snaʼ yoʼbolil jbatik sok te kʼuxotik ta yoʼtan (Jn 3:16).
Teme yichʼoj yip te smukʼul koʼtantik ta swenta te chaʼkuxajel ya skoltayotik yuʼun ma jaʼuk ya xbajt ta koʼtantik te jwokoltike (2Co 4:16-18). Jaʼnix jich ya yakʼ smukʼul kʼinal kaʼiytik sok slamalil kʼinal kʼalal ya kichʼtik kontrainel, kʼalal ya stsakotik tulan chamel o te ay machʼa ya xlaj kuʼuntik (1Te 4:13). Pero, maba ya yakʼ stseʼelil koʼtantik teme maba ya schʼuun koʼtantik te ay te chaʼkuxajel (1Co 15:19). Kakʼ ta koʼtantik yakʼbeyel yichʼ yip te smukʼul koʼtantik ta swenta te chaʼkuxajel.
Kʼopona Juan 11:21-24. Patil pasa te jojkʼoyeletik ini:
¿Bin-utʼil la yakʼ ta ilel te Marta te yichʼoj yip te smukʼul yoʼtan ta swenta te chaʼkuxajel?
¿Bin-utʼil te Jehová la yakʼbey bendición te Marta ta swenta te schʼuunel yoʼtane? (Jn 11:38-44).
Akʼa ta ilel te VIDEO Jkʼayintik te antsetik te ay schʼuunel yoʼtanik: Te Marta. Patil pasa te jojkʼoyeletik ini:
¿Bin yuʼun jich ya awil bitʼil jun majtanil te chaʼkuxajel?
¿Bin ya xjuʼ ya apas yuʼun ya yichʼxan yip te smukʼul awoʼtan ta swenta te chaʼkuxajel?
9. Snopel skʼop Dios ta congregación
(30 min.) lfb capítulo 26, 27.