Tseʼel yoʼtan te machʼa ay yutsil yoʼtan

1. Te Dios bayal yutsil yoʼtan,

ya yakʼ kiltik jujun kʼajkʼal.

Ya x-akʼbot stseʼelil yoʼtan,

melel ma pʼisbiluk ya yakʼ.

Te machʼa ya sujtes yoʼtan

yame xnaʼbot yoʼbolil sba.

Ya xjul ta yoʼtan te Jehová

te jaʼnax tsʼubilumotik.

2. Ya jkʼan jnop spasbeyel perdón

te machʼa ay bin ya spasbon.

Ma jkʼan ya jkʼej te kilinba,

ya xbajt jnaʼbey yoʼbolil sba.

Kʼalal ay banti ya xchʼayon,

ya jkʼanbey Dios: «Pasbon perdón,

jich bitʼil ya jpasbey perdón

te machʼa ay smul ta jtojol».

3. Kʼalal ya jkoltay te yantik,

ya jambey jkʼab ta stojolik.

Ma jkʼan kichʼ utsilkʼoptayel,

ya xlokʼ ta koʼtan yakʼbeyel.

Te Dios muken ya sutbotik

spisil te bin lek ya jpastik.

Ya yakʼ kiltik yutsil yoʼtan

kʼalal ya jnopbeytik yoʼtan.