¿Bin-a te Ajwalinel o Wentainel yuʼun te Diose?
Te Jesús jich la snojpteslan ta skʼoponel Dios te jnopojeletik yuʼun: «Jtatic te ayat ta chʼulchan, acʼa ichʼotuc ta mucʼ achʼul bihil. Acʼa taluc te cuentahinel awuʼun; acʼa yichʼ pasel ta bahlumilal te bin ya scʼan awoʼtan, hich te bin utʼil yac ta pasel ta chʼulchan» (Mateo 6:9, 10). ¿Bin-a te Ajwalinel o Wentainel yuʼun te Diose? ¿Bin yak ta spasel? ¿Bin yuʼun ya skʼan ya kalbeytik skʼoplal te kʼalal ya jkʼopontik te Diose?
Te Jesús jaʼ Ajwalil yuʼun te Wentainel yuʼun te Diose
Lucas 1:31-33: «JESÚS me sbihil ya xcʼoht awuʼun. Mucʼ scʼoblal ya xcʼoht, soc ya xʼaʼbot sbihilin Snichʼan te Machʼa ay ta toyol. Te Cajwaltic Dios ya me yaʼbe sjelolin ta ajwalil te David te state. Sbahtel qʼuinal ay ta ajwalil yuʼun te patil al-nichʼanetic yuʼun Jacob; mayuc slajibal te cuentahinel yuʼune».
Te Jesús jaʼ bajt ta yoʼtan scholbeyel skʼoplal te Wentainele
Mateo 9:35: «Te Jesús la sbehentay spisil te pueblohetic soc tut pueblohetic, yac ta pʼijubteswanej ta sinagogahetic yuʼunic, yac ta yalel te lec yachʼil cʼop yuʼun te cuentahinel yuʼun Dios, soc yac slecubteslambel spisil chameletic soc spisil te banti cʼux ya yaʼiyic».
Te Jesús la yalbey te jnopojeletik yuʼun te bintik ya xkʼot ta pasel kʼalal nopol ya xtalix-a te Wentainele
Mateo 24:7: «Ya xhahch scontrahin sbahic nacionetic, soc ya scontrahin sbahic te jujuchahp banti scuentahinejic; ya xtal wiʼnal soc nihquel ta bayuc».
Te jnopojeletik yuʼun Jesús yakik ta scholbeyel skʼoplal ta swolol Balumilal te Wentainele
Mateo 24:14: «Ya me xpuhc ta halel ta swohlol bahlumilal scʼoblal te lec yachʼil cʼop yuʼun te cuentahinel yuʼun Dios, scuenta testigo-cʼop ta stojol spisil nacionetic, ha to me ya xtal a te slajibal cʼahcʼale».