¿Bin-utʼil ta chajpanel ta lek te komentarioe?

Kʼalal chajpanbil ta lek te komentarioe, ya yichʼ yip yoʼtan te kermanotaktike (Ro 14:19). Jaʼnix jich ya sta slekilal te machʼa ya spas komentare (Pr 15:23, 28). Jich yuʼun akʼa jpastik tulan yuʼun ya kakʼtik junuk jkomentariotik ta jujun tsoblej. Melelnix-a te ma spisiluk-ora ya kichʼtik akʼbeyele, jich yuʼun akʼa jchajpantik cheʼoxebuk.

¿Bin-utʼil ya yichʼ chajpanel te lekil komentarioe?

• Manchuk chajpukto ta aʼiyel-a, manchuk chujkʼuluk ta naʼel sok te komuknaxe. Ya xjuʼ ta akʼel ta treinta segundo o ma sta.

• Manchuk ya jkʼopontik te jkomentariotike.

• Ma jchaʼaltik te bin la yichʼix pasel komentare.

¿Bin ya skʼan ya jpastik teme joʼotik nail ya kakʼbeytik sujtib jun jojkʼoyele?

• Akʼa kaltik te bantinix ay-a te sujtibe.

¿Bin ya jpastik teme la yichʼix akʼel te sujtibe?

• Akʼa kaltik jun texto yuʼun Biblia te tsʼibaybil tey-a te bin-utʼil snitojbey sba skʼoplal sok te bin yak ta nopele.

• Akʼa kaltik bin-utʼil ya skoltayotik ta jkuxlejaltik.

• Akʼa kaltik bin-utʼil ya jpas ta jkuxlejaltik.

• Akʼa kaltik te bintik kʼoem ta pasel te ya yakʼ ta ilel te bin mukʼ skʼoplale.