Te Jesús la smakʼlin bayal ta tul ants winiketik ta swentanax chaʼoxtul

Jtebxanix ma xkʼot ta pasel-a te kʼin Pascua ta jaʼbil 32 te Jesús la spas jun milagro te ya xchiknaj skʼoplal ta schanebal te Evangelioetike.

Ta swenta te milagro la spas te Jesuse, jich la yakʼ jilel ta ilel te bin-utʼil ya xmakʼlinwan jaʼto ta kʼajkʼal ini.

14:16-21

• Te Jesús la skʼanbey te jnopojeletik yuʼun te akʼa smakʼlinik te ipal ants winiketike, manchukme jaʼnax yichʼojik joʼeb pan sok chaʼkojt chay-a.

• Te Jesuse la stsak te panetik sok te chayetike, te kʼalal laj yoʼtan ta skʼoponel Dios la yakʼtiklanbey te jnopojeletik yuʼune. Ta patil, te jnopojeletik la spuktiklanbey te ipal ants winiketike.

• Ta swenta te milagro la spas te Jesuse, spisil noj schʼujtʼik. La smakʼlin bayal ta mil ants winiketik ta swentanax chaʼoxtul, te jaʼik te jnopojeletik yuʼune.

  

• Te Jesús la yal jilel te ya stsa jtsojb machʼatik swenta «ya yaʼiy macʼlinwanej ta yorahil» ta slajibal kʼajkʼal (Mt 24:45).

• Ta 1919 te Jesús la stsa «te aʼbat te jun yoʼtan soc pʼij», jaʼ skʼoplal te tut jtsojb jchʼuunjeletik te tsabilik te ya xbajtʼik ta chʼulchan sok la yakʼbey swentain te «sna», te jaʼ skʼoplalik te ants winiketik te ya yichʼik makʼlinel ta swenta te skʼop Diose.

• Jich bitʼil la spas ta sbabial siglo te Jesuse yak ta makʼlinwanej ta swenta te tut jtsojb jchʼuunjeletik te tsabilik te ya xbajtʼik ta chʼulchane.

¿Bin-utʼil ya kakʼ ta ilel te ya jchʼuun sok te ya kichʼ ta mukʼ te machʼa stsaoj te Jesús yuʼun ya smakʼlin te lum yuʼun ta swenta te skʼop Diose?