Bayal ants winiketik ya staik lekilal yuʼun te scholel skʼop Dios ta karrito

Ta Hechos kapitulo 5 ya yal te la scholbeyik skʼoplal te Wentainel yuʼun Dios ta banti templo te sbabial jchʼuunjeletike, melel ay tsobol ants winiketik tey-a (Hch 5:19-21, 42). Ta kʼajkʼal ini, te scholel skʼop Dios ta karrito te banti ya xkʼax bayal ants winiketike bayal bintik lek lokʼem yuʼun.

KʼALAL LA AWILIX-A TE BIDEO BAYAL ANTS WINIKETIK YA STAIK LEKILAL YUʼUN TE SCHOLEL SKʼOP DIOS TA KARRITO, AKʼBEYA SUJTIB TE JOJKʼOYELETIKE:

• 

  ¿Bin-ora sok bin-utʼil jajch te scholel skʼop Dios ta karritoe?

• ¿Bintik lek lokʼem yuʼun ta swenta te jaʼ ya yichʼ tuuntesel te karritoe?

• ¿Bin ya yakʼ jnoptik te bin kʼax ta stojol te Mi Jung You?

• ¿Bin-utʼil ya yakʼ kiltik te kʼax lek te scholel skʼop Dios ta karrito te bin kʼot ta stojol te Jacob Salomé?

• ¿Bin ya yakʼ jnoptik te ejemplo yuʼun te Annies sok te smamlal ta swenta te ya skʼan chapalukotik ta lek te kʼalal ya jcholtik skʼop Dios ta karritoe?