«Mahtanil [...] ta stojol Jehová»

Ta kʼajkʼal ini, ¿bin-utʼil ya xjuʼ ya kakʼtik «mahtanil [...] ta stojol Jehová»? (1Cr 29:5, 9, 14). Liʼ ini yame yichʼ albeyel skʼoplal te bintik-utʼil ya xjuʼ ya kakʼtik majtʼanil takʼin ta swenta te aʼtelil ya jpastik ta jlumaltik sok ta swolol Balumilal te bitʼil testigootik yuʼun Jehová.

TE MAJTʼANIL TAKʼIN YA KAKʼTIK TA INTERNET O TA KAJAETIK TA SNAIL TSOBLEJETIK YA YICHʼ TUUNTESEL TA SWENTA INI:

• 

  AʼTELIL TE YA YICHʼ PASEL TA SWOLOL BALUMILAL

  spasel naetik, te bintik ya xtuun ta Betel sok ta ofisinaetik yuʼun skʼasesel kʼop

  pʼijubtesel te ya yakʼ te organisasion

  ta swenta te ermanoetik te yakʼoj sbaik ta abatinel ta stojol Dios ta spisil-ora

  ta skoltayel te machʼatik ay staojik wokol

  ta spasel bideoetik, junetik te ya yichʼ pasel imprimir sok te ya yichʼ akʼel ta Internet

• 

  TE TAKʼIN YA YICHʼ TUUNTESEL TA KONGREGASION

  ta slekubtesel sNail Tsoblej sok ta stojel te lus o te jaʼ

  stikunel takʼin ta Betel jich te bitʼil schapoj te kongregasion ya yakʼ ta swenta ini:

  • te spasel sNail Tsoblejetik sok sNail mukʼul Tsoblejetik ta swolol Balumilal

  • te Programa yuʼun Koltayel ta swolol Balumilal

  • yantik aʼtelil te ya yichʼ pasel ta swolol Balumilal

MUKʼUL TSOBLEJ YUʼUN OXEB KʼAJKʼAL SOK TE MUKʼUL TSOBLEJ YUʼUN SIRKUITO

Te takʼin ya yichʼ tsobel ta mukʼul tsoblej yuʼun oxeb kʼajkʼal ya yichʼ tuuntesel ta swenta te aʼtelil ya yichʼ pasel ta swolol Balumilal. Te takʼin-abi ya yichʼ tuuntesel ta stojel te bintik ya xtuun ta mukʼul tsoblej yuʼun oxeb kʼajkʼal, mukʼul tsoblej te mukʼ skʼoplal sok te mukʼul tsoblej internasional.

Te takʼin ya yichʼ tsobel ta mukʼul tsoblej yuʼun sirkuito ya yichʼ tuuntesel ta stojel te na ya yichʼ majanel yuʼun te tsobleje, jichnix te kʼalal ya yichʼ tuuntesel sok ta slekubtesel te sNail mukʼul Tsoblejetik soknix te bintikxan ya xtuun ta sirkuito. Kʼalal la yichʼix tojel spisil-a te bintik ya xtuune, te jayebxan takʼin ya xjile ay sirkuitoetik te ya stikunik bael ta swenta te aʼtelil ya yichʼ pasel ta swolol Balumilal yuʼun te stestigotak Jehová.