Kanantaya te anujpunele

Te Jehová chʼultesbil ya yil te nujpunele, jaʼ yuʼun ma skʼan te ya yijkitay sbaike (Mt 19:5, 6). Ta pueblo yuʼun Jehová ay bayal te machʼatik nujpunemik ay stseʼelil yoʼtanik. Pero maʼyuk junuk nujpunel te kʼax leke, melel aynanix-a te wokolile. Mame jnoptik te jaʼ schajpajibal te ya kijkitay jbatik o te ya jlajinbeytik skʼoplal te nujpunele. ¿Binwan-utʼil ya skʼan ya skanantay snujpunelik te j-abatetik yuʼun te Diose?

Kiltik joʼchajp konsejoetik.

1. Kanantaya te awoʼtan, mame ayuk yan machʼa ya amulan sok mame xa awil te bin ya yakʼ ta ilel mulwej. Spisil ini yame yutsʼinbat te anujpunele (Mt 5:28; 2Pe 2:14).

2. Amigoinaxan te Jehová sok pasa tulan te lekuk ta sit Dios te anujpunele (Sl 97:10).

3. Lekubtesa te atalele sok koltaya te ajoy yuʼun jich lek ya yaʼiy sba-a (Col 3:8-10, 12-14).

4. Albeya abaik te bin ya xkʼax ta atojolik sok ichʼa abaik ta mukʼ (Col 4:6).

5. Akʼa ta ilel skʼuxul awoʼtan sok slekil awoʼtan kʼalal ya ajokin abaik ta wayel (1Co 7:3, 4; 10:24).

Kʼalal ya yichʼik ta mukʼ te snujpunelik te j-abatetik yuʼun Dios, jaʼ ya yichʼik ta mukʼ te Jehová te machʼa la yakʼ te nujpunele.

KʼALAL LA AWILIX-A TE BIDEO YA SKʼAN MA XLUJBOTIK YUʼUN TE ANIMAL: JCHʼUUNTIK TE MANTALILE, AKʼBEYA SUJTIB TE JOJKʼOYELETIKE:

• 

  Manchukme lek ya xjajch te nujpunele, ¿bin wokolil ya xjuʼ ya xtal ta stojolik?

• 

  ¿Bin-utʼil te tojobteseletik yuʼun te Biblia, ya xjuʼ ya xkoltayot te machʼatik ya yaʼiyik te maʼyuk kʼuxul oʼtanil ta snujpunelike?

• 

  ¿Bintik mantalil ya yakʼbey Jehová te machʼatik nujpunemik?

• ¿Bin ya skʼan ya spas te mamalalil sok te inamil yuʼun ayuk stseʼelil yoʼtanik?