Te bin ya xjuʼ ya anop
Nopa te kʼayojiletik yuʼun te organización
«Te kʼalal ya jmel koʼtane, te Jehová ya yakʼbon yip koʼtan ta swenta te kʼayojiletik ya xlokʼ ta JW Broadcasting®» (Lorraine, Estados Unidos).
Te j-abatotik yuʼun Dios spisil-ora jtuuntesojtik kʼayojiletik yuʼun ya kichʼtik ta mukʼ te Jehová (Col. 3:16). Teme ya anop te kʼayojiletike, maba ya xchʼay ta awoʼtan sok jaʼ-abi ya xjuʼ ya skoltayat te kʼalal maʼyuk te sjunal kʼayojil o te kʼalal ma awichʼoj te celular, tablet o yantikxan te bin ya atuuntese. Liʼ ya xjuʼ ya ata te bin ya xjuʼ ya apas. Ya xjuʼ ya skoltayat.
Lokʼesa tiempo yuʼun ya akʼopon te bin ya yal te kʼayojiletik sok te ya awichʼbey swentail te bin ya yale. Te kʼalal ay bin ya kichʼbeytik swentail, oranax ya xjul ta koʼtantik. Ta jw.org ya jtatik spisil te sletraul te kʼayojiletik, te kʼayojiletik ya xlokʼ ta JW Broadcasting sok te kʼayojiletik yuʼun alaletik. Swenta ya ata, ochan te banti ya yal «Biblioteca» patil te banti ya yal «Música».
Tsʼibaya ta jun te sletraule. Jaʼme ya skoltayat yuʼun ma xchʼay ta awoʼtan te kʼayojiletike (Deut. 17:18).
Kʼayojinan ta tulan. Kʼopona te sletraul o bayal buelta xa akʼayojtay.
Ilawil teme ya xjul ta awoʼtan. Pasa tulan yuʼun ya xjul ta awoʼtan sok ma xa awil te sletraul, ta patil ilawil teme lek lokʼ awuʼune.