¿Bin ya snopik te testigoetik yuʼun Jehová ta swenta te bayal machʼatik la yichʼik milel? | ¿Bin ya yal te Biblia?

Ta 27 yuʼun enero 2023, bayal ants winiketik ya xbajt spasik jun kʼin te sbiilinoj: Día Internacional en Memoria del Holocausto. Ayix tal 75 jaʼbil te bayal machʼatik la yichʼik milel te yaniwan yakʼ te ya ajojkʼoybey aba te bin yuʼun la yakʼ kʼotuk ta pasel te Diose.

• Swenta ya jnaʼtik bin ya yal te Biblia, kʼopona te artículo «¿Bin yuʼun maʼyuk bin la spas te Jehová yuʼun ma xkʼot ta pasel te Holocaustoe?».

Bayal ta tul judioetik la yichʼik milel sok kʼax bayal swokolik. Jaʼnix jich ay ants winiketik te la yichʼik nutsel sok milel ta yorail-abi. Tey ochem skʼoplal-euk-a te testigoetik yuʼun Jehová, te la yichʼik kontrainel ta swenta te bin schʼuunojike.

• Yuʼun ya anaʼbeyxan skʼoplal, kʼopona te artículo «¿Qué les ocurrió a los testigos de Jehová durante el Holocausto?».

«Ya caʼbeyex te bin yaquex ta smahliyele»

Bayal ants winiketik ya xiʼik teme ay bin-ora ya xkʼot ta pasel te bayal machʼatik ya yichʼik milel. Pero te Biblia ya yal te ta pajel chaʼbej maba ya xkʼaxix jun wokolil te kʼax tulan jich bitʼil te bayal machʼatik ya yichʼik milel.

• «Como ya jnaʼ te bin jnopoj ta acuentahic, xchi te Jehová, ha jnopoj te lec ya xcʼohex, ma haʼuc te ya xcʼax awocolic, ya caʼbeyex te bin yaquex ta smahliyele» (Jeremías 29:11).a

Te mukʼul oʼtanil ini ya xkʼot ta pasel kʼalal te Jehová ya slajin te bintik chopol sok te wokolil. Te Dios nopol ya xbajt spas ini:

• Ya xbajt slajin te chopol ants winiketik te ya yakʼbey swokol te yantike (Proverbios 2:22).

• Ya xbajt slekubtes spisil te machʼatik kʼaxem swokolik sok ya xbajt staik lamalkʼinal (Apocalipsis 21:4).

• Ya xbajt schaʼkuxajtes te machʼatik lajemikixe (Juan 5:28, 29).

Ya xjuʼ ya smukʼulin awoʼtan te bin jamal yaloj te Bibliae. Teme ya akʼan ya anaʼ bin yuʼune, ya kikʼatkotik ta yilel te programa ini, kʼana te ay machʼa ya snojptesat ta Biblia.