BIBLIOTECA TA INTERNET yuʼun Watchtower
BIBLIOTECA TA INTERNET
yuʼun Watchtower
Tseltal
ʼ
  • ʼ
  • BIBLIA
  • SPISIL JUNETIK
  • TSOBLEJETIK
  • g21 Núm. 3 págs. 14-15
  • Mukʼ skʼoplal te sujtibe

Mayuk te video ini.

Pasa perdón, ma xjuʼ ta kojtesel te video.

  • Mukʼ skʼoplal te sujtibe
  • ¡Wikʼame asit!, 2021
  • Subtituloetik
  • Junetik te pajal sok
  • Ya amulanxan te kuxlejalil
  • Yame ata lekil tsitseletik
  • Ya yakʼbey sujtib te jojkʼoyeletik awuʼune
  • Yame sta smukʼul awoʼtan ta pajel chaʼbej
  • ¿Bin-a te smelelil nojptesel ya yakʼ te Biblia ta swenta te Diose?
    ¿Bin ya yakʼ ta nopel ta smelelil te Bibliae?
  • Te Biblia ya yakʼ smukʼul koʼtantik
    ¡Mulana te akuxlejal ta sbajtelkʼinal! Te Biblia ya yalbat bin-utʼil
  • Te Biblia ya yakʼ smukʼul koʼtantik
    ¡Mulana te akuxlejal ta sbajtelkʼinal! Nopa te bin ya yal te Biblia
  • ¿Machʼa-a te Diose?
    ¿Bin ya yakʼ jnoptik te Bibliae?
Ilawilxan
¡Wikʼame asit!, 2021
g21 Núm. 3 págs. 14-15
Oxtul jchʼieletik yakik ta yilel jaʼmal mutetik.

Mukʼ skʼoplal te sujtibe

¿Bin yuʼun mukʼ skʼoplal te yakuk jnaʼtik te ay jtul Jpaswanej? Teme ya xkʼot ta awoʼtan te ay jtul Dios te kʼax bayal yuʼel, yaniwan akʼan awil teme talem ta stojol Dios te Bibliae. Teme ya smukʼulin awoʼtan te Biblia, yame ata te lekilaletik ini.

Ya amulanxan te kuxlejalil

TE BIBLIA YA YAL: Te Dios lek bin ya spas, «la yakʼbey tal jaʼal ta chʼulchan, la yakʼ sitinuk te yawal stsʼunubik, la yakʼbey bayal sweʼelik sok la yakʼ te kʼax tseʼeluk yoʼtanike» (Hechos 14:17).

¿BIN YA SKʼAN YA YAL? Spisil te bintik pastiklanbil jaʼ majtanil yuʼun te Diose. Ya amulanxan te majtaniletik ini kʼalal ya awil ta Biblia te ay akʼoplal ta yoʼtan te Diose.

Yame ata lekil tsitseletik

TE BIBLIA JICH YA YAL: «Yac anaʼ te bin toj, te stojil chahpanel, soc te spisil pajal ya xʼichʼot ta cuenta, soc spisil lequil behetic» (Proverbios 2:9).

¿BIN YA SKʼAN YA YAL? Te bitʼil jaʼ Jpaswanej awuʼun te Diose, ya snaʼ te bin ya akʼan yuʼun ay stseʼelil awoʼtan. Teme ya awil te bin ya yal te Biblia, ya ata tsitseletik te ya skoltayate.

Ya yakʼbey sujtib te jojkʼoyeletik awuʼune

TE BIBLIA JICH YA YAL: «Hich me yac anaʼbe sba a te Diose» (Proverbios 2:5).

¿BIN YA SKʼAN YA YAL? Snaʼel te ay jtul Jpaswanej yame skoltayat ta stabeyel sujtib te jojkʼoyeletik te mukʼ skʼoplale, jich bitʼil ¿bin swentail te kuxlejalile?, ¿bin yuʼun ay bayal wokolil? O ¿bin ya xkʼot ta stojolik te machʼatik ya xlajike? Yame atabey sujtib ta Biblia.

Yame sta smukʼul awoʼtan ta pajel chaʼbej

TE BIBLIA JICH YA YAL: «Como ya jnaʼ te bin jnopoj ta acuentahic, xchi te Jehová, ha jnopoj te lec ya xcʼohex, ma haʼuc te ya xcʼax awocolic, ya caʼbeyex te bin yaquex ta smahliyele» (Jeremías 29:11).

Ilawil te videoetik ¿Bin yuʼun ya smukʼulin koʼtantik te yuʼun-nix jaʼ smelelil-a te bin ya yal te Bibliae? Sok ¿Machʼa lokʼem tal ta yoʼtan te bin ya yal te Bibliae? ta jw.org. Yuʼun ya ata, tsʼibaya ta sleojibal «smukʼulin koʼtantik te yuʼun-nix smelelil-a te Bibliae» o «machʼa lokʼem tal ta yoʼtan te Bibliae».

¿BIN YA SKʼAN YA YAL? Te Dios ya yal te ya xbajt slajin te bintik ma lek, te wokolil sok te lajel. Teme ya smukʼulin awoʼtan te bin ya yal te Dios, yame xjuʼ ya asitintay te wokoliletik te ya xkʼax ta jujun kʼajkʼal.

Koltayotik te bitʼil la snaʼik te ay jpaswanej

Cyndi.

«Ya smukʼulik koʼtan te Dios te ya skoltayon ta jkuxlejal, ta schajpanel kʼopetik sok te ya kil bitʼil jtul amigo» (Cyndi, Estados Unidos).

Elise.

«Ya yakʼbon stseʼelil koʼtan snaʼel te ay jtul Jpaswanej. Bayal bin ya xjuʼ ya jnaʼtikxan ta stojol, ta swenta te bintik spasoj sok te sKʼop, maʼyuk bin-ora ya xchʼajubon ta snopel» (Elise, Francia).

Peter.

«Ayix stseʼelil koʼtan ta swenta te lekil tsitseletik ya yakʼ te Biblia. Jaʼnix jich lekix te jtalel ta stojol te yantike, ya jmel koʼtan ta stojolik, lekix ya kaʼiy jba sok lekil papailonix» (Peter, Países Bajos).

Liz.

«Ta snailale, junjunebnax te bin ya jpase: ya xweʼon, ya xwayon sok oranax ya xboon ta kaʼtel. Ta ora ini ya kilix jich bitʼil jun majtanil te kuxlejalil, ayix stseʼelil koʼtan» (Liz, Estonia).

Adrien.

«Spisil-ora ya jmel koʼtan-a. Pero snaʼel te ya xlaj skʼoplal te bin chopol, te bin ma stojiluk sok te wokolil, ya yakʼbon slamalil koʼtan» (Adrien, Francia).

Te Biblia ya yakʼbey sujtib te jojkʼoyeletik te mukʼ skʼoplal. Ilawil te video ¿Bin yuʼun ya skʼan ya jnoptik te Bibliae? (najtʼ).

    Junetik ta tseltal (2001-2026)
    Smakel
    Sjamel
    • Tseltal
    • Stikunel
    • Chajpana te bin yilel ya akʼan ya xchiknaje
    • Copyright © 2025 Watch Tower Bible and Tract Society of Pennsylvania
    • Mantaliletik te ya skʼan chʼuunel
    • Política de privacidad
    • Kanantaybil te información awuʼun
    • JW.ORG
    • Sjamel
    Stikunel