• Jkoltaytik te ermanaetik
    Te J-ilkʼinal ta toyol (te ya yichʼ nopel) 2020 | septiembre
    • Te Jesús yak ta snojptesel te Marta sok te María te jukulik ta yeʼtal yok. Fotoetik: 1. Jtul ermano sok yinam ya yulaʼtayik jtul ermana te ayix yaʼbilal. Te ermano yak ta kʼop sok te ermana, yan stukel te yiname yak ta skʼejel te weʼelil manbile. 2. Jtul ermano sok yinam ya sjokinik jtul ermana sok yantsil-al ta spasel te yichʼel ta mukʼ Dios ta sjunal na. 3. Jtul ermano ya skoltay chaʼtul ermanaetik ta sjeltayel te syantaul skarroike.

      Jich bitʼil la spas te Jesús, kakʼtik ta ilel te kʼux ta koʼtantik te kermanataktike. (Ilawil te parrafo 6 kʼalal ta 9).e

      6. Jich bitʼil ya yal ta Lucas 10:38-42, ¿bin-utʼil te Jesús la skoltay te Marta sok te María?

      6 Te Jesús la sjokin sok la yamigain te antsetik te jun schʼuunel yoʼtanik soke, jich bitʼil te María sok Marta te maba nujpunemike (kʼopona Lucas 10:38-42). Leknax la yaʼiy sbaik ta swenta te bitʼil ya xkʼoponotik yuʼun te Jesuse. Te María jun yoʼtan la sjujkan sba ta yeʼtal yok swenta ya schʼam yaʼiy te bin yak ta yalele.c Te Marta maba kʼexaw ta yalbeyel te ilinem ta skaj te maba ya xkoltayot yuʼun te Mariae. Ta swenta-abi te Jesús ay bintik la yakʼtiklanbey snop sok bayal buelta la yulaʼtay te María, Marta sok te Lázaro, jich la yakʼ ta ilel te ay skʼoplalik ta yoʼtane (Juan 12:1-3). Jaʼ yuʼun te kʼalal tsakot ta tulan chamel te Lazaroe, te María sok Marta la skʼanbeyik koltayel te Jesuse (Juan 11:3, 5).

  • Jkoltaytik te ermanaetik
    Te J-ilkʼinal ta toyol (te ya yichʼ nopel) 2020 | septiembre

    • c Jun enciclopedia jich ya yal: «Te machʼatik ya yichʼik pʼijubtesel ya sjujkan sbaik ta yeʼtal yok te jpʼijubteswanej yuʼunike. Jich ya spasik te machʼatik ya x-ochik ta jpʼijubteswanej. Yan stukel te antsetik ma xjuʼ te jich ya spasike. [...] Kʼalal te María la sjujkan sba ta yeʼtal yok te Jesús ta yaʼiyel te bin ya yakʼ ta nopele, maniwan la smulanik te judioetik te lajuk yilike».