Jaxan te «paraíso» te la yalbey skʼoplal te Pablo, ¿bin-a?

Jaʼnix jich te kʼopil paraíso ya xjuʼ bayal bin ya skʼan ya yal. Ta sbabial, jaʼniwan ya yalbey skʼoplal te Nichimal Kʼinal te ya x-ayin ta Balumilal. Snujpʼ te jich ya kaltik, melel te sbabial ants winik ayin ta jun nichimal kʼinal. Ta schebal, jaʼniwan ya yalbey skʼoplal te lamalkʼinal ya xbajtʼ smulanik te j-abatetik yuʼun Dios ta achʼ balumilal. Ta yoxebal, jaʼniwan ya yalbey skʼoplal te yutsilal te kuxlejalil ta chʼulchan, jaʼ te «yutsil tsʼunubil qʼuinal yuʼun Dios» te ya x-albot skʼoplal ta Apocalipsis 2:7 (ilawil te La Atalaya 15 yuʼun julio 2015, pajina 8, parrafo 8).

Kʼalal te Pablo la yal ta 2 Corintios 12:4 te bin kʼot ta stojol, jaʼniwan yak ta yalbeyel skʼoplal-a te oxchajp bin ya skʼan ya yal te kʼopil «paraíso».

Te «paraíso» banti «icʼot mohel» te Pablo ta najalsitil oxchajpniwan bin ya skʼan ya yal: 1) te Nichimal Kʼinal te ya x-ayin ta Balumilal, 2) te lamalkʼinal ya xbajtʼ smulanik te j-abatetik yuʼun Dios ta achʼ balumilal te kʼaxtoxan-a te bitʼil yakik ta smulanel ta ora ini, 3) te «yutsil tsʼunubil qʼuinal yuʼun Dios» ta chʼulchan. Te oxchajp ya xbajtʼ ayinuk ta achʼ balumilal.