KʼULEJALIL TE AY TA BIBLIA | 2 CORINTIOS 11-13
Ay «mucʼul chʼix te tsʼapal» ta sbakʼetal te Pablo
Ta Biblia te kʼopil «chʼix» ya yichʼ tuuntesel jich bitʼil señail kʼop. Ay jaʼ skʼoplal te ants winiketik te ya sjachik kʼop sok te ya x-utsʼinwanik, o jaʼ skʼoplal te bintik ya yakʼ wokolile (Nú 33:55; Pr 22:5; Eze 28:24). Kʼalal la yal te Pablo te ay «mucʼul chʼix te tsʼapal» ta sbakʼetal, jaʼniwan yak ta yalbeyel skʼoplal te lotil jpuk-kʼopetik o yantik ants winiketik te maba lek ya yilik te bitʼil yichʼoj yaʼtel ta jpuk-kʼop sok te aʼtelil yak ta spasel-ae. Pero, ¿binxan la skʼan la yalbey skʼoplal te Pablo kʼalal la yal te ay «mucʼul chʼix te tsʼapal» ta sbakʼetale? Ilawil te tekstoetik liʼ ta alane.
Jaxan te jaʼate, ¿bin mukʼul chʼix tsʼapal ta abakʼetal?
¿Bin-utʼil ya xjuʼ ya awakʼ ta ilel te smukʼulinej awoʼtan te ya skoltayat te Jehová swenta ya xkujch awuʼun te awokole?