BIBLIOTECA TA INTERNET yuʼun Watchtower
BIBLIOTECA TA INTERNET
yuʼun Watchtower
Tseltal
ʼ
  • ʼ
  • BIBLIA
  • SPISIL JUNETIK
  • TSOBLEJETIK
  • ¿Lekbal ya yil Dios spisil te kʼinetike?
    ¡Mulana te akuxlejal ta sbajtelkʼinal! Te Biblia ya yalbat bin-utʼil
    • Kʼoponaik Efesios 5:10 sok albeyaik skʼoplal ini:

      • ¿Bin ya skʼan ya jtsajtaytik kʼalal ya jtatik ta nopel teme ya jpastik jun kʼin o maʼuk?

      • ¿Bintik kʼinetik ya spasik te banti nainemate?

      • ¿Bin xchiat? ¿Lekbal ya yil te Diose?

      Jich bitʼil te spasel cumpleaño, ¿aybal ajojkʼoybeyoj aba teme lek ya yil te Diose? Te Biblia maba ya yal te ay la spasik cumpleaño te j-abatetik yuʼun Dios, pero ya yalbey skʼoplal cheb cumpleaño te la spasik te machʼatik maba yichʼojik ta mukʼ te Diose. Kʼoponaik Génesis 40:20-22 sok Mateo 14:6-10. Ta patil albeyaik skʼoplal ini:

      • ¿Bin kʼot ta pasel ta cumpleañoetik te la yichʼ pasele?

      • Jich bitʼil la jkʼopontikixe, ¿bin-utʼil ya yil Jehová te cumpleañoetike?

      Manchukme jich-abi, yaniwan anop «¿Yuʼun-nixbal ma lek ya yil-a te Jehová te ya jpas te cumpleaño o te ya xboon ta jun kʼin te ma lokʼem skʼoplal ta Bibliae?». Kʼoponaik Éxodo 32:1-8. Ta patil ilawilik te VIDEO sok albeyaik skʼoplal ini:

      VIDEO: Kʼinetik te ma lek ya yil te Diose (5:07)

      • ¿Bin yuʼun ya skʼan ya jnaʼtik bin-a te lek ya yil te Jehová?

      • ¿Bin-utʼil ya jnaʼtik?

      ¿Bin-utʼil ya jnaʼtik teme lek ya yil Dios te kʼinetike?

      • ¿Lokʼembal ta jun nojptesel te ma jichuk ya yal te Bibliae? Swenta ya anaʼbey skʼoplal pasa investigar bin-utʼil chiknaj tal te kʼin-abi.

      • ¿Yabal yakʼ ta ichʼel ta mukʼ ants winiketik, organizacionetik o te bandera? Te joʼotike jaʼnax ya kichʼtik ta mukʼ te Jehová sok schʼuunej koʼtantik te jaʼ ya xbajt schajpan te wokoliletik ta Balumilal.

      • ¿Yabal skontrain te Biblia te bin ya yichʼ pasel tey-ae? Ya jkʼantik te spisiluk-ora lek te jtaleltike.

  • Lekuk ya yil Jehová te bin ya akʼases kʼajkʼal-ae
    ¡Mulana te akuxlejal ta sbajtelkʼinal! Te Biblia ya yalbat bin-utʼil
    • Lección 53. Jtul winik sok yinam soknix te achʼix yuʼunik yakik ta sweʼel palomita te kʼalal ya yilik jun película te maʼyuk bin chopol yichʼoj.

      LECCIÓN 53

      Lekuk ya yil Jehová te bin ya akʼases kʼajkʼal-ae

      Te Jehová jaʼ te «Dios te tseʼel yoʼtane» (1 Timoteo 1:11, TNM). Ya skʼan te tseʼeluk koʼtantik sok te ya jmulantik te jkuxlejaltike. Ya smulan te ya jkux koʼtantik sok te ya jlokʼestik tiempo ta spasel te bin ya jmulantike. Ta lección ini, ya kiltik bin-utʼil ya xjuʼ ya jmulantik te bin ya jkʼasestik kʼajkʼal-ae, sok te jaʼuk ya jtsatik te bin lek ya yil te Jehovae.

      1. ¿Bin ya skʼan ya kichʼtik ta wenta kʼalal ay bin ya jkʼasestik kʼajkʼal-ae?

      ¿Bin ya amulan spasel te kʼalal ya akux awoʼtane? Ay machʼatik ya smulanik te ya xjilik ta snaik ta skʼoponel jun libro, ta yaʼiyel música, ta yilel película o ya x-ochik ta Internet. Ay machʼatik ya smulanik te ya xbajtik ta mukʼul jaʼ sok te yamigotakik, o ya yaʼiyik tajimal. Chikan bin-a te ya jmulantik spasele, ya skʼan jaʼ ya jtsatik te «bin lec yoʼtan yuʼun te Cajwaltique» (Efesios 5:10). Mukʼ skʼoplal te ya xkʼot ta koʼtantik-abi, melel bayal te bin ya skʼasesik kʼajkʼal-a te ants winiketike ya yilay te Jehovae, jich bitʼil te majtamba, te mulwej o te espiritismo (kʼopona Salmo 11:5). ¿Bin ya skoltayotik ta stsael te bin ya jpastik o ya kiltik?

      Jtsatik ta lek te kamigotaktik. Teme kʼux ta yoʼtanik te Jehová, ya skoltayotik ta spasel te bin lek sok ta stsael ta lek te bin ya jkʼasestik kʼajkʼal-ae. Jich bitʼil la jnoptikix ta lección 48, «te machʼa ya sjoquin te machʼatic pʼij yoʼtanic, ha nix hich pʼij ya xcʼoht». Pero te machʼa ya sjokin te machʼa ma xchʼuun te mantaliletik yuʼun Jehová, «ya me sta swocol» (Proverbios 13:20).

      2. ¿Bin yuʼun ya skʼan te pʼisbiluk te tiempo ya kakʼbeytik te bin ya jkʼasestik kʼajkʼal-ae?

      Manchukme lek te bin ya jkʼasestik kʼajkʼal-ae, ya skʼan ya jtsajtay jbatik yuʼun ma bayaluk tiempo ya kakʼbeytik. Melel, ya xjuʼ ya spojbotik te tiempo ta spasel te bin mukʼxan skʼoplale. Te Biblia ya yalbotik te akʼa jnaʼtik «stuhunel ta lec te tiempo» (kʼopona Efesios 5:15, 16).

      JNOPTIKXAN TA LEK

      Kiltik bin ya xjuʼ ya apas swenta ya anaʼ stsael ta lek te bin ya akʼases kʼajkʼal-ae.

      3. Mame xa akʼases kʼajkʼal-a te bin ya yutsʼinat

      ¿Bin yuʼun ya skʼan ya jtsatik ta lek te bin ya jkʼasestik kʼajkʼal-ae? Ilawilik te VIDEO sok albeyaik skʼoplal ini:

      VIDEO: ¿Lekbal te bin ya jkʼases kʼajkʼal-ae? (4:39)

      • ¿Bin yuʼun te majtamba la spasik ta namey pajal sok te bin ya skʼasesik kʼajkʼal-a ta ora-ini?

      • Jich bitʼil la kiltik ta video, ¿bin kʼot ta yoʼtan te Danny ta swenta te bin ya skʼases kʼajkʼal-ae?

      Kʼoponaik Romanos 12:9 sok albeyaik skʼoplal ini:

      • ¿Bin-utʼil ya skoltayotik te versículo ini ta stsael te bin ya jkʼasestik kʼajkʼal-ae?

      ¿Bintik ya yilay te Jehová? Kʼoponaik Proverbios 6:16, 17 sok Gálatas 5:19-21. Te kʼalal la akʼoponikix-a te jujun textoe, albeyaik skʼoplal ini:

      • Ta spisil te bintik ma lek ta pasel ya yalbey skʼoplal te textoe, ¿bintik yichʼoj te bin ya skʼasesik kʼajkʼal-a te ants winiketik ta ora ini?

      Tsaa ta lek te bin ya akʼases kʼajkʼal-ae

      Jojkʼoybeya aba:

      • ¿Bin yichʼoj? ¿Jaʼbal te bintik ya yilay te Jehová?

      • ¿Bin-ora ya jpas? ¿Yabal spojbon jtiempo ta spasel te bin mukʼxan skʼoplale?

      • ¿Machʼatik sok? ¿Yabal yakʼ jokin jba sok te machʼatik maba kʼux ta yoʼtanik te Jehová?

      Jich te bitʼil ma xnoptsajotik bael te banti ya xjuʼ ya jta jwokoltik, jaʼnix jich ma jkʼasestik kʼajkʼal-a te bin ya kiltik te ya xjuʼ ya yutsʼinotike.

      A car driving along the edge of a mountain road. The back of the car has started to veer off the edge.

      4. Tuuntesa ta lek te atiempo

      Ilawilik te VIDEO sok albeyaik skʼoplal ini:

      VIDEO: ¿Bin-utʼil ya atuuntes te atiempoe? (2:45)

      • Te bin yak ta yilel te hermano ta video manix yuʼunuk ma lek-a, pero ¿bin-utʼil yak ta akʼbeyel schʼay te stiempoe?

      Kʼoponaik Filipenses 1:10 sok albeyaik skʼoplal ini:

      • ¿Bin-utʼil ya xjuʼ ya skoltayotik te versículo ini ta spʼisel te jayeb tiempo ya kakʼbeytik te bin ya jmulantik spasele?

      5. Lekuk te bin ya akʼases kʼajkʼal-ae

      Melelnix-a te ay bintik ma smulan te Jehová te ya jkʼasestik kʼajkʼal-ae, pero ay yantikxan te bintik ya xjuʼ ya jmulantik spasele. Kʼoponaik Eclesiastés 8:15 sok Filipenses 4:8, sok albeyaik skʼoplal ini:

      • ¿Bintik-a te ya amulan skʼasesel kʼajkʼal-a te jaʼate?

      Dibujoetik yuʼun ants winiketik te yanyantik yaʼbilalik lek te bin yakik ta skʼasesel kʼajkʼal-ae: 1. Jtul chʼin achʼix yak ta yaʼiyel música te kʼalal ya spas sdibujo. 2. Oxtul keremetik yakik ta básquet. 3. Chaʼtul chʼin keremetik yakik ta stijel bicicleta. 4. Jtul chʼin kerem yak ta stsʼaktiklanel jun carro yuʼun ixtabil. 5. Jtul kerem yak ta stijel tambor. 6. Jtul kerem sok spapa yakik ta tajimal sok videojuego. 7. Jtul achʼix yak ta slokʼesel foto.

      Ya xjuʼ ya jmulantik skʼasesel kʼajkʼal-a te bin leke.

      AY MACHʼATIK JICH YA YALIK: «Maʼyuk bin spas teme jaʼ ya jkʼasestik kʼajkʼal-a te bin yichʼoj espiritismo, majtamba o mulwej, melel ma yak jpasbeltik te joʼotike».

      • ¿Bin ya awal te jaʼate?

      ¿BINTIK LA JNOPTIK?

      Te Jehová ya skʼan te yakuk jmulantik sok lekuk te bin ya jkʼasestik kʼajkʼal-ae.

      ¿Jilbal ta awoʼtan into?

      • ¿Bintik-a te ma jkʼasestik kʼajkʼal-a te j-abatotik yuʼun te Diose?

      • ¿Bin yuʼun ya skʼan te pʼisbiluknax te jayeb tiempo ya kakʼbeytik te bin ya jkʼasestik kʼajkʼal-ae?

      • ¿Jaʼbal ya akʼan ya akʼases kʼajkʼal-a te bin lek ya yil te Jehová? ¿Bin yuʼun?

      Pasa awil ini

      YA XJUʼ YA ANOPXAN INI

      Ilawil machʼa ay ta swenta stsael te bin ya jkʼasestik kʼajkʼal-ae.

      «¿Aybal jun lista awuʼunik ta swenta peliculaetik, kʼayojiletik sok libroetik te ma xjuʼ ta tuuntesele?» (Ay ta jw.org)

      Ilawil bin-utʼil ya xjuʼ ya atsa ta lek te bin ya akʼases kʼajkʼal-ae.

      «¿Lekbal te bin ya jkʼasestik kʼajkʼal-ae?» (Te J-ilkʼinal ta toyol, 15 yuʼun octubre 2011)

      Ilawil bin yuʼun jtul winik la yijkitay te bin ya skʼases kʼajkʼal-ae, kʼopona te bin kʼax ta skuxlejal: «Maba pʼajawanonix».

      «Jelontesbot skuxlejalik yuʼun te Biblia» (Te J-ilkʼinal ta toyol, 1 yuʼun febrero 2010)

      Ilawil bin la spas jtul ants te kʼalal jaʼ kʼan skʼases kʼajkʼal-a te bin yichʼoj espiritismo.

      Ma xa akʼases kʼajkʼal-a te bin yichʼoj espiritismo (2:02)

Junetik ta tseltal (2001-2026)
Smakel
Sjamel
  • Tseltal
  • Stikunel
  • Chajpana te bin yilel ya akʼan ya xchiknaje
  • Copyright © 2025 Watch Tower Bible and Tract Society of Pennsylvania
  • Mantaliletik te ya skʼan chʼuunel
  • Política de privacidad
  • Kanantaybil te información awuʼun
  • JW.ORG
  • Sjamel
Stikunel