• Programa yuʼun te semana 27 yuʼun julio
    Kaʼteltik ta swenta Dios 2015 | julio

    • Programa yuʼun te semana 27 yuʼun julio

      SEMANA 27 YUʼUN JULIO

      Kʼayojil 79 sok skʼoponel Dios

      Snopel sKʼop Dios ta Kongregasion

      my aʼiyej 111 sok 112 (30 min.)

      Pʼijubtesel yuʼun Scholel skʼop Dios

      Skʼoponel te Biblia: 1 Reyes 15-17 (8 min.)

      Num. 1: 1 Reyes 15:16-24 (3 min. o ma sta)

      Num. 2: ¿Bin ya skoltayatxan ta smukʼubtesel te schʼuunel awoʼtane? (fg paj. 31 parr. 1, 2) (5 min.)

      Num. 3: Jich bitʼil ya anaʼix te bin ya skʼanbat te Diose, ¿bin ya skʼan ya apas te jaʼate? (gf leccion 17 parr. 2, 3) (5 min.)

      Tsoblej yuʼun Spasel yaʼtel Dios

      Texto ta swenta te u ini: Konik akʼa kotsestik ta jnopojel te ants winiketike (Mat. 28:19, 20).

      Kʼayojil 65

      10 min. ¿Lekubixbal te bin-utʼil ya achol te skʼop Diose? Discurso te ya yichʼ akʼbeyel sujtibe. Ilbeya jtebuk skʼoplal te sbabial parrafo yuʼun te sbabial articulo te banti la yal «Mejore sus habilidades en el ministerio» te lokʼ ta Nuestro Ministerio del Reino yuʼun febrero 2014 sok te banti ya yakʼ ta naʼel te bin swentaile. Chaʼilbeya skʼoplal cheʼoxebuk articulo te kʼaxemikixe. Kʼanbeya te machʼatik ayik ta tsoblej te yakuk scholik te bintik lekilal staojik ta swenta-abi. Tijbeya yoʼtanik te yakuk yichʼik lek ta wenta te bin ya xlokʼ te jujun u swenta slekubtesel te bitʼil ya jcholtik te skʼop Diose sok te banti ya yal «Pasa ta sjunal u ini».

      10 min. Jtuuntestik te foyeto Naʼbeya sba ta lek te sKʼop Diose yuʼun ya jkoltaytik te machʼa yakotik ta yakʼbeyel snop te Bibliae. Discurso te ya yichʼ akʼbeyel sujtibe. Cholbeya skʼoplal bin-utʼil ta tuuntesel te bintik yichʼoj te foyeto yuʼun ya jkoltaytik te machʼa yakotik ta yakʼbeyel snop te Biblia swenta ya snaʼ stuuntesel ta lek ta Bibliae: 1) te banti ya yal «Te bitʼil ta leel te versiculoetik yuʼun te Bibliae», 2) te sbalunlajunebal jojkʼoyel: «¿Bintik ya scholbey skʼoplal te libroetik yuʼun te Bibliae?» sok 3) stabal jojkʼoyel: «¿Bin-utʼil ya skoltayotik ta jkuxlejaltik te skʼoponel te Bibliae?». Akʼa ta ilel jtebuk te banti jtul jcholkʼop ya yilbey skʼoplal jchajpuk te bin yichʼoj te foyeto ini sok te machʼa yak ta pʼijubtesel te kʼalal lajix yoʼtanik ta snopel-a te Bibliae.

      10 min. «Aʼtejibaletik te ya skoltayotik ta nojpteswanej.» Jojkʼoyeletik sok sujtib.

      Kʼayojil 125 sok skʼoponel Dios

  • Aʼtejibaletik te ya skoltayotik ta nojpteswanej
    Kaʼteltik ta swenta Dios 2015 | julio

    • Aʼtejibaletik te ya skoltayotik ta nojpteswanej

      1. ¿Bin-utʼil pajalotik sok te karpinteroetike?

      1 Te karpinteroetike ay bayal yaʼtejibik. Ay chaʼoxchajp aʼtejibaletik te jaʼnax ya stuuntes ta swenta chaʼoxchajp aʼtelil, ay yantik aʼtejibaletik yuʼunik te spisil-ora ya stuuntesike. Te machʼatik ya snaʼikix lek spasel te aʼtelile spisil-ora ya stuuntes te aʼtejibaletik te yananix xtuun yuʼun-ae sok te ya snaʼik lek stuuntesele. Te Biblia ya stij koʼtantik ta spasel tulan ta scholel te skʼop Diose sok te bitʼil Testigootike, jichukotik «te bin utʼil machʼa ya xʼaʼtej te mayuc bin ya xqʼuexaw yuʼun» (2 Tim. 2:15). ¿Bin-a te aʼtejibal kuʼuntik te kʼax mukʼ skʼoplale? Jaʼ te Bibliae, jaʼ ya jtuuntestik swenta yotsesel ta jnopojel te ants winiketike (Mat. 28:19, 20). Jaʼ yuʼun ya skʼan te yakuk jpastik tulan ta snaʼel «stuhunel te smelelil cʼope». Jaʼukmeto jpisiltik ya skʼan ya jnaʼtik stuuntesel ta lek te yantik aʼtejibaletik te spisil-ora ya xtuun kuʼuntik ta snojptesel yantik ta swenta te smelelil kʼope (Prov. 22:29).

      2. ¿Bintik-a te aʼtejibaletik te spisil-ora ya xtuun kuʼuntik ta swenta nojpteswaneje?

      2 Aʼtejibaletik te spisil-ora ya xtuun kuʼuntik ta nojpteswanej. ¿Bin yantik aʼtejibaletik ay kuʼuntik te ma jaʼuk te Bibliae? Jaʼ te libro, ¿Bin ya yakʼ ta nopel ta smelelil te Bibliae? ya jtuuntestik spisil-ora ta yakʼel ta nopel te Bibliae. Te kʼalal ya xlaj ta nopel yuʼun te ants winik te libro-abi, jaʼ ya xjajch jtuuntestik te libro «Manténganse en el amor de Dios» swenta ya xkaj spas ta skuxlejal te mantaliletik yuʼun te Diose. Jaʼ yuʼun ya skʼan ya jnaʼbeytik sba sok ta stuuntesel ta lek te cheb junetik-abi. Te banti ay te aʼtejibaletik kuʼuntike ya skʼan te ayuk foyetoetik tey-a. Jich bitʼil te Lek yachʼil kʼop te talem ta stojol Dios te ya xtuun kuʼuntik ta sjachel jun nojptesel yuʼun Biblia. Teme ay machʼatik ya jtatik te banti ya jcholtik skʼop Dios te ma snaʼik lek skʼoponel june o ya xkʼopojik ta yan kʼopil te maʼyuk junetik ta kʼopil-abi o teme ay jtebnaxe, ya xjuʼ ya jtuuntestik te foyetoetik Chʼama awaʼiy te bin ya yal te Diose o Chʼama awaʼiy te bin ya yal te Diose jichme ya xkuxinat ta sbajtʼel kʼinal. Te yan aʼtejibal te ya jtuuntestik ta leke jaʼ te ¿Machʼatik ya spasik te skʼanojel yoʼtan te Jehová ta kʼajkʼal ini?, te ya skoltay te ants winik ta snaʼbeyel sba te organisasione. Jaʼnix jich te videoetike ya xtuun ta swenta yotsesel ta jnopojel te ants winiketike sok ya skʼan ya jnaʼtik stuuntesel ta lek. Jich bitʼil, ¿Bin yuʼun ya skʼan ya jnoptik te Bibliae? sok ¿Bin ya yichʼ pasel ta tsoblejetik kuʼunkotik?

      3. ¿Bin ya jnopbeytik skʼoplal ta yantik junetik yuʼun Kaʼteltik ta swenta Dios te ya xlokʼ ta patile?

      3 Te junetik yuʼun Kaʼteltik ta swenta Dios te ya xlokʼ ta patile yame skoltayotik ta stuuntesel ta lek te junetik te ya jtuuntestik spisil-orae. Teme ya jpastik tulan ta stuuntesel ta leke, jichme yakotik ta stʼunel te tsitsel ya yakʼ te Bibliae: «Tsahtaya aba soc tsahtaya te bin yac awacʼ ta nopele; oʼtantaya, como teme hich yac apase, hich ya xcolat a soc te machʼatic ya yaʼiybat te acʼope» (1 Tim. 4:16).