Te oración yuʼun jtul j-abat yuʼun Dios

1. Chʼultesbiluk abiil, Jehová Dios.

Awokoluk, akʼa ta ichʼel ta mukʼ.

Akʼa taluk te Wentainel,

ya jkʼantik te ya skʼotes ta pasel

te bin ya skʼan awoʼtan

ta chʼulchan sok ta kʼinal.

2. Ajamoj te akʼab ta jtojoltik

ta yakʼel te bin ya xtuun kuʼuntik.

Ma xlaj awoʼtan ta snojptesel

te koʼtantik ta spasel te bin lek.

Jujun kʼajkʼal ya kaltik

wokol ta atojol, Dios.

3. Ay jwokoltik ta skaj te bin chopol,

pero bayal te koltayel awakʼoj.

Wokolayal te mukʼ awuʼel,

ma jkom jbatik ta spasel awaʼtel.

Koltayawotik, Jehová,

ta spasel bin ya akʼan.