• Eksodo 9:15, 16
    Xchʼul Kʼop Dios sventa Achʼ Balumil

    • 15 Ti jechuke, laj xa jyeʼ jkʼob sventa jyayijesot xchiʼuk ateklumal ta jun tsatsal vokolil, jech xtok, laj xa avichʼ lajesel* liʼ ta balumil ti jechuke. 16 Pe laj to kakʼ kuxian sventa xkakʼ avil juʼel xchiʼuk sventa xichʼ pukel ta spʼejel balumil li jbie.+

  • Eksodo 15:11
    Xchʼul Kʼop Dios sventa Achʼ Balumil

    • 11 Kajval Jeova, ¿mi oy yan diosetik kʼuchaʼal voʼote?+

      ¿Buchʼu yan ti jech chakʼ

      ta ilel ti chʼul xa noʼox tajek skʼoplal kʼuchaʼal voʼote?+

      Jaʼ noʼox ti buchʼu skʼan xiʼtael* xchiʼuk ti skʼan muyubtael ta kʼejojetike, jaʼ ti buchʼu labalik sba kʼusitik tspase.+

  • Eksodo 18:10, 11
    Xchʼul Kʼop Dios sventa Achʼ Balumil

    • 10 Xi laj yal li Jetroe: «Kʼupil kʼoptabiluk li Jeovae, jaʼ li buchʼu la spojoxuk ta stojolal faraon xchiʼuk ti la spoj lokʼel jteklum ta yok skʼob li Ejiptoe. 11 Ta skoj ti kʼusi la spasbe li buchʼutik tstoy sbaik ta skontrainbel li steklumale, laj xa jnaʼ ti mas mukʼ skʼoplal li Jeovae, jaʼ mu sta skotol li yan diosetike».+

  • Josue 2:9, 10
    Xchʼul Kʼop Dios sventa Achʼ Balumil

    • 9 Xi laj yalbe yaʼiike: «Jnaʼoj lek ti chakʼboxuk Jeova li osil liʼe+ xchiʼuk xiʼemunkutik xa tajek avuʼunik.+ Skotol li jnaklejetike muʼyuk xa stsatsal yoʼontonik ta akojik,+ 10 yuʼun kaʼiojkutik ti kʼalal lalokʼik ta Ejiptoe takin kom yuʼun Tsajal nab li Jeovae.+ Kaʼiojkutik xtok li kʼusi la apasbeik li chaʼvoʼ ajvalil yuʼun j-amorreoetike, jaʼ li Seon+ xchiʼuk Og+ ti te la amilik ta jot* Jordane.