9 Vakib noʼox kʼakʼal skʼan xapas skotol li avabtele,+ 10 li ta svukubal kʼakʼale jaʼ jun savado sventa li Jeova Dios avuʼune. Mu me xapas jtosuk avabtel, mi jaʼuk spas yabtel akerem, atseb, amoso, akiara, atsʼunbal chonbolom mi jaʼuk li jyanlum ti te achiʼuk ta nakleje.+

13 «Chiʼino ta loʼil li j-israeletike, xi xavalanbee: ‹Jaʼ tsots skʼoplal skʼan xachabiik li savado kuʼune,+ yuʼun jaʼ senyail chkom kuʼun xchiʼuk voʼoxuk ti jaykʼol kuxlejal chtal avuʼunik ta tsʼakale sventa xanaʼik ti voʼon Jeova ti yakal ta jchʼultajesoxuke.

15 Vuleso me ta ajol ti la-echʼ ta mosoil li ta yosilal Ejiptoe, pe ta yipal skʼob xchiʼuk ta sjuʼel la slokʼesot tal+ li Jeova Dios avuʼune. Jaʼ yuʼun, li Jeova Dios avuʼune laj yalbot ti akʼo xachabi li skʼakʼalil savadoe.