11 Vaʼun, li ta yokʼomal kʼalal echʼ xa ox li Kʼin Koltaele, lik slajesik li kʼusitik chlokʼ ta osile, la sveʼik pan ti muʼyuk slevaduraile*+ xchiʼuk la slajesik bakubtasbil sat tsʼunobiletik. 12 Li ta yokʼomal taje, kʼalal la slajesik li kʼusi chlokʼ ta osile, muʼyuk xa ox chyal tal mana. Muʼyuk xa la staik mana li j-israeletike,+ jaʼ xa lik slajesik li kʼusitik chlokʼ ta yosilal Kanaan li vaʼ jabile.+