10 Li ta Israele oy jun j-israelal ants ti oy yol ti jaʼ j-ejiptoal vinik+ li stot yole, vaʼun li nichʼonile lik stsak sbaik ta kʼop xchiʼuk jun j-israelal vinik ti bu spasoj skarpanaike. 11 Li yol j-israelal antse lik slaban li Biile,* vaʼun lik xchopol kʼopta,+ jaʼ yuʼun laj yikʼik batel ta stojolal Moises.+ Selomit sbi li meʼile, jaʼ stseb Dibri ti likem talel ta snitilulal Dane.

32 Kʼalal jaʼo te oyik ta takixokol balumil li j-israeletike, te la staik jun vinik ti yakal tstsob siʼ ta skʼakʼalil savadoe.+ 33 Li buchʼu yakal tstsob siʼ la staike laj yikʼik batel ta stojolal Moises, Aaron xchiʼuk ta stojolal sjunul li tsobobbaile.

17 Mu me tʼujbiluk yajval avuʼunik kʼalal oy buchʼu chachapanike.+ Skʼan parejo xavaʼibeik skʼop li buchʼu mu tsotsuk skʼoplale xchiʼuk li buchʼu tsots skʼoplale.+ Mu xa xiʼik yuʼun junuk vinik,+ yuʼun jaʼ chchapanvan li Diose;+ li kʼusi toj vokol ta chapanel chavaʼiike tal albeikun, voʼon chkaʼibe skʼop›.+