9 Li xepuʼal milbil matanal sventa jun oʼontonale akʼo yakʼbe Jeova ta matanal ti chichʼ chikʼel ta kʼokʼe.+ Akʼo slokʼesbe sjunul li sne ti lek jupʼeme xchiʼuk akʼo slokʼesbe li xepuʼal xchʼute, skotol li xepuʼal sbikile, 10 akʼo slokʼesbe li chaʼpʼej srinyon xchiʼuk xepuʼal ti te nopol oy ta slomoe. Jech xtok, kʼalal tslokʼesbe li chaʼpʼej srinyone,+ jmoj akʼo slokʼesbe xchiʼuk li xepuʼal sekube.