19 Vaʼun, li Josuee xi laj yalbe li jteklume: «Mu xuʼ xatunik ta stojolal li Jeovae, yuʼun jaʼ jun chʼul Dios;+ jaʼ jun Dios ti stuk noʼox tskʼan ichʼel ta mukʼe.+ Muʼyuk chakʼ ta perton li atoyobbailike xchiʼuk li amulike.+

5 Pe ta skoj ti pimot ta mantal xchiʼuk ti mu xasutes avoʼontone, yakal chatsob skʼakʼal oʼontonal ta atojolal atuk kʼalal mi sta skʼakʼalil li skʼakʼal oʼontonal xchiʼuk kʼalal chichʼ akʼel ta ilel li tukʼil chapanel yuʼun Diose.+

4 Ta melel, li Diose muʼyuk la sjalanbe kastigo li anjeletik ti la saʼ smulike,+ yuʼun kʼalal la stenan ochel ta Tartaroe,*+ la xchuk ta kadena* ta ikʼpulan osil sventa xichʼik chapanel mi sta yoraile.+

14 Jech, li Enok+ ti jaʼ svukkʼolal snitilulal Adane xi onoʼox laj yalbe skʼoplal li krixchanoetik taje: «¡Kʼelavilik! Ta sjaylajunebal xa noʼox mil tal xchiʼuk xchʼul anjeltak li Jeovae*+ 15 sventa xchapan skotol+ xchiʼuk sventa xakʼbe yil smulik li buchʼutik muʼyuk laj yichʼik ta mukʼ Dios ti toj chopol kʼusi la spasik ta skoj xchopolilike xchiʼuk ta skoj skotol li kʼusitik chopol ta aʼiel laj yalik li chopol jpasmuliletik ta stojolale».+