10 »Mi laje, ikʼo tal ta karpana sventa tsobobbail li tot vakaxe, vaʼun li Aaron xchiʼuk xnichʼnabtake akʼo yakʼ skʼobik ta sjol li tot vakaxe.+ 11 Li tot vakaxe te xamil ta stojolal Jeova, jaʼ li ta yochebal karpana sventa tsobobbaile.+ 12 Tsʼajo sniʼ akʼob ta xchʼichʼel tot vakax sventa xabonbe li xulubtak skajleb matanale.+ Li yan skomenal* chʼichʼe te xamal li ta snakleb skajleb matanale.+ 13 Tsakbo lokʼel skotol li xepuʼal+ sbikile, li xepuʼal sekube, li chib srinyone xchiʼuk li xepuʼal srinyontake, vaʼun chikʼo ta skajleb matanal sventa xtomet muyel xchʼailal.*+ 14 Pe li sbekʼtal tot vakaxe, li snukulil xchiʼuk li yikʼobale* skʼan xbat achikʼ leʼ to ta spat ti bu spasoj skarpanaike. Jaʼ jun matanal sventa mulil.

3 »›Mi jaʼ la saʼ smul li pale ti tʼujbile+ xchiʼuk mi jaʼ tsta-o smul+ yuʼun li jteklume, skʼan xikʼbe talel Jeova jkot chʼiom tot vakax ti muʼyuk ip* yoʼ xakʼ ta matanal sventa li smule.+ 4 Akʼo yikʼ talel ta yeloval Jeova li ta yochebal karpana sventa tsobobbaile,+ vaʼun chakʼ skʼob ta sjol li tot vakaxe. Mi laje, akʼo smil ta yeloval Jeova.+

6 »Vaʼun, li Aarone chikʼ talel li tot vakax yoʼ xakʼ ta matanal sventa smule, sventa sta perton+ stuk xchiʼuk sventa sta perton li yutsʼ yalale.