VIVLIOTEKA TA INTERNET yuʼun Watchtower

Deuteronomio 33:10

Xchʼul Kʼop Dios sventa Achʼ Balumil
- 10 Akʼo yakʼbeik xchan Jakob li kʼusitik chapanbil avuʼune,+
  akʼo yakʼbeik xchan Israel li Amantale.+
  
  Akʼo xchikʼik pom ti lek xmuet yikʼ chavaʼie*+
  xchiʼuk lek tsʼakal akʼo yakʼik matanal li ta skajleb amotone.+

2 Kronikas 17:8, 9

Xchʼul Kʼop Dios sventa Achʼ Balumil
- 8 Te xchiʼukik batel jayvoʼ jlevietik; jaʼik Semaya, Netanias, Sebadias, Asael, Semiramot, Jeonatan, Adonias, Tobiya xchiʼuk Tob-Adonias, te batik ek li pale Elisama xchiʼuk Jeorame.+ 9 Vaʼun, lik chanubtasvanikuk ta Juda, jaʼ yichʼojik batel li slivroal Smantal Jeovae.+ La xanik skotol li jteklumetik ta Judae sventa xchanubtasik li krixchanoetike.

Neemias 8:7, 8

Xchʼul Kʼop Dios sventa Achʼ Balumil
- 7 Li jlevietik ti jaʼik li Jesua, Bani, Serebias,+ Jamin, Akub, Sabetai, Odias, Maaseya, Kelita, Asarias, Josabad,+ Anan xchiʼuk Pelayae la sjambeik smelolal Mantal kʼalal jaʼo te vaʼajtik li jteklume.+ 8 Jech-o tsots laj yaptaik li livro ti jaʼ Smantal li melel Diose, lek jamal xchiʼuk lek tsʼakal la sjambeik smelolal. Jaʼ jech la skoltaik li krixchanoetik sventa xaʼibeik smelolal li kʼusi yakal chaptaike.+

Malakias 2:7

Xchʼul Kʼop Dios sventa Achʼ Balumil
- 7 Yuʼun li palee jaʼ oy ta sba xchanubtasel ta sventa Dios li jteklume xchiʼuk li krixchanoetik eke skʼan saʼik li mantal* chlokʼ ta yee,+ yuʼun jaʼ yaj-almantal li Jeova ti jaʼ bankilal yuʼun soltaroetike.