10 »›Mi jaʼ jkot chij ti chakʼ ta chikʼbil matanale,+ skʼan jaʼuk jkot stot ti muʼyuk ipe,*+ jaʼuk jkot chʼiom tot chij o jkot chʼiom tot tentsun. 11 Te akʼo yichʼ milel ta yeloval Jeova ta xokon skajleb matanal li ta stukʼil nortee. Li xnichʼnabtak Aaron ti jaʼ paleetike te akʼo svijbeik xchʼichʼel li ta jujujot xokon skajleb matanale.+

3 »›Mi jaʼ la saʼ smul li pale ti tʼujbile+ xchiʼuk mi jaʼ tsta-o smul+ yuʼun li jteklume, skʼan xikʼbe talel Jeova jkot chʼiom tot vakax ti muʼyuk ip* yoʼ xakʼ ta matanal sventa li smule.+ 4 Akʼo yikʼ talel ta yeloval Jeova li ta yochebal karpana sventa tsobobbaile,+ vaʼun chakʼ skʼob ta sjol li tot vakaxe. Mi laje, akʼo smil ta yeloval Jeova.+