VIVLIOTEKA TA INTERNET yuʼun Watchtower

Deuteronomio 28:12

Xchʼul Kʼop Dios sventa Achʼ Balumil
- 12 Tsjam yavil skʼulejal li Jeovae, jaʼ xkaltik, li vinajele, sventa xakʼ talel voʼ ta yorail li ta avosile+ xchiʼuk sventa xakʼbe bendision skotol li kʼusitik chapase. Chavakʼbe ta chʼom yantik jteklumetik li kʼusitik oy avuʼune, yan li voʼote muʼyuk kʼusi chakʼan ta chʼom.+

Isaias 30:23

Xchʼul Kʼop Dios sventa Achʼ Balumil
- 23 Li Diose ta xakʼ talel voʼ ta sventa li sbekʼ tsʼunobil ti chatsʼunik ta osile+ xchiʼuk solel ep xchiʼuk toj echʼ xa noʼox lekik li kʼusitik chchʼi ta osile.+ Li vaʼ kʼakʼale, te ta xveʼ ta jamal yaxaltik li atsʼunbal chonbolomike.+

Esekiel 34:26

Xchʼul Kʼop Dios sventa Achʼ Balumil
- 26 Chkʼotik kuʼun ta jun bendision li jchijtake xchiʼuk li spat xokon bikʼit vits kuʼune,+ jech xtok, chkakʼ ti xakʼ voʼ ta yoraile. Li bendisione ta xmal talel jech kʼuchaʼal chakʼ voʼe.+

Joel 2:23

Xchʼul Kʼop Dios sventa Achʼ Balumil
- 23 Skeremtak Sion, muyubajanik xchiʼuk kuxetuk noʼox avoʼontonik ta stojolal li Jeova Dios avuʼunike,+
  yuʼun chakʼ talel voʼ ti kʼu yepal chtun avuʼunik ta otonyoe,*
  xlomomet noʼox chakʼ taluk voʼ,
  chlik yakʼ voʼ ta otonyo xchiʼuk ta primavera* jech onoʼox kʼuchaʼal ta slikebale.+