16 »Li Eleasar+ ti jaʼ xnichʼon li pale Aarone jaʼ oy ta sba li s-aseiteal kantiletike,+ li pom ti oy sperfumeale,+ li matanal sat tsʼunobiletik ti chichʼ onoʼox akʼele xchiʼuk li aseite ti chtun kʼalal oy buchʼu chichʼ tʼujele.+ Jaʼ oy ta sba spʼejel li axibalnae xchiʼuk skotol li kʼusitik te oye, ti bu chʼule xchiʼuk skotol li kʼusitik te chtune».

28 Li Moisese la slokʼbe li skʼuʼ spokʼ Aarone, jaʼ la slapbe li Eleasar ti jaʼ xnichʼon Aarone. Laje, te cham ta jol vits li Aarone.+ Li Moises xchiʼuk Eleasare yalik tal li ta vitse.