6 Jaʼ yuʼun, li Moisese la stsak komel li karetaetik xchiʼuk li vakaxetike, vaʼun laj yakʼbe li jlevietike. 7 Jaʼ chaʼkot kareta xchiʼuk chankot j-abtel tot vakax laj yakʼbe li xnichʼnabtak Guersone, jaʼ ti kʼu yepal chtun yuʼunik ti bu ch-abtejike;+ 8 jaʼ chankot kareta xchiʼuk vaxakot j-abtel tot vakax laj yakʼbe li xnichʼnabtak Merarie, jaʼ ti kʼu yepal chtun yuʼunik ti bu ch-abtejike. Jaʼ ventainbilik yuʼun Itamar ti jaʼ xnichʼon li pale Aarone.+ 9 Pe jaʼ muʼyuk kʼusi laj yakʼbe li xnichʼnabtak Koate, yuʼun jaʼ sbainojik li kʼusitik chtun ti bu chʼule,+ jaʼ chkuch ta snekebik li kʼusitik chʼule.+

2 Vaʼun, xi laj yal li Davide: «Muʼyuk buchʼu yan xuʼ xichʼ batel li Xkaxa melel Diose, jaʼ noʼox li jlevietike, yuʼun jaʼ tʼujbilik yuʼun Jeova sventa xichʼik batel li Xkaxa Jeovae xchiʼuk jaʼ tʼujbilik sventa spasbeik yabtel sbatel osil».+