9 Ta skoj taje, li Moisese xi laj yalbe li Josuee:+ «Tʼujo viniketik, vaʼun bat tsako ta kʼop li j-amaleketike. Li okʼome te ta jvaʼan jba ta jol bikʼit vits xchiʼuk chkichʼbe batel li snamteʼ melel Diose».

13 Li Moisese lik xchiʼuk li Josue ti jaʼ yajtunele,+ pe jaʼ noʼox muy batel ta vits yuʼun melel Dios li Moisese.+

11 Kʼalal chchiʼinat ta loʼil yuʼun Jeova li Moisese, skʼelojbe sba satik+ jech kʼuchaʼal kʼalal chchiʼin sbaik ta loʼil chaʼvoʼ viniketike. Kʼalal tsut batel Moises yoʼ bu spasoj skarpanaik li j-israeletike, li yajtunel+ ti jaʼ Josue+ ti jaʼ xnichʼon li Nune te chkom li ta karpana sventa tsobobbaile.

18 Li Jeovae xi laj yalbe li Moisese: «Ikʼo tal li Josue ti jaʼ xnichʼon li Nune ti jaʼ jun vinik ti lek xtojobe* xchiʼuk akʼo akʼob ta stojolal.+ 19 Te xavaʼan ta yeloval pale Eleasar xchiʼuk ta yeloval sjunul li tsobobbaile, skʼan te skʼelojik kʼalal chavakʼbe yichʼ yabtele.+ 20 Skʼan xavakʼbe jlomuk li avabtele*+ sventa xchʼunbat smantal yuʼun sjunul li tsobobbail yuʼun j-israeletike.+

3 Jaʼ jbabe chbat avuʼunik li Jeova Dios avuʼunike, jaʼ tslajesbe skʼoplal ta atojolalik li mukʼtik lumetik liʼe xchiʼuk voʼoxuk chavichʼbeik li yosilike.+ Jech kʼuchaʼal yaloj onoʼox li Jeovae, jaʼ tsbeiltasoxuk Josue+ sventa xatuchʼik jelavel li Jordane.