26 Sutik batel ta stojolal Moises, Aaron xchiʼuk sjunul li tsobobbail yuʼun j-israeletik ti te oyik ta takixokol balumil ta Parane, ti te xkom ta Kadese.+ Kʼot yalbeik skotol tsobobbail li kʼusi laj yilike xchiʼuk laj yakʼik ta ilel li sat teʼ xkuchojik talel ti te la xtuchʼik li ta balumil ay spaʼiike.* 27 Xi la xchapbeik li Moisese: «Ay jkʼelkutik li balumil bu la atakunkutik batele, ta melel oy lek leche+ xchiʼuk pom te, liʼe jaʼ sat li kʼusitik te chchʼie.+

25 Laj yichʼbeik talel juteb sat li kʼusitik xchʼi te ta lume. Xi vul yalbutike: ‹Toj echʼ xa noʼox lek li osil chakʼbutik li Jeova Dios kuʼuntike›.+

7 Yuʼun li Jeova Dios avuʼune chikʼot batel ta jun lekil balumil,+ jun balumil ti bu oy ukʼume,* ti bu oy nioʼe xchiʼuk ti bu oy sat voʼ* ti chbein ta stenlejaltik xchiʼuk ta vitstikaltike, 8 jun balumil ti bu chchʼi trigo, sevada, uva, igo, granada*+ xchiʼuk ti bu chlokʼ s-aseiteal oliva xchiʼuk pome.+