16 »›Mi jaʼ sventa oy kʼusi chakʼ ye+ spasel ti chakʼ li milbil matanale o mi lokʼ noʼox ta yoʼonton stuke,+ ta xichʼ tiʼel ti kʼusi kʼakʼalil laj yakʼ li milbil matanale. Jech xtok, xuʼ to xichʼ tiʼel ta yokʼomal mi komenaje.*

18 «Chiʼino ta loʼil li Aaron xchiʼuk xnichʼnabtake xchiʼuk skotol li j-israeletike, xi xavalbe yaʼiike: ‹Mi oy junuk j-israel o junuk jyanlum ti te nakal ta Israel ti chakʼbe chikʼbil matanal+ Jeova sventa tspas li kʼusi yaloje o ti chlokʼ ta yoʼonton chakʼbe matanale,+ 19 skʼan jaʼ xakʼ jkotuk tot vakax+ ti muʼyuk ipe,* jkotuk chʼiom tot chij o jkotuk tentsun sventa lek x-ilate.

21 »›Mi chakʼbe matanal Jeova sventa jun oʼontonal+ ti jaʼ sventa tspas li kʼusi yaloj li jun vinike o chakʼbe matanal ti chlokʼ ta yoʼonton stuke, skʼan me xakʼ jkotuk vakax ti muʼyuk ipe* o jkotuk chij sventa lek x-ilate. Skʼan me chʼabaluk jutebuk xchopolil li matanal chakʼe.