13 Laje, lokʼik batel xtok, te kʼot spas skarpanaik ta yosilal Arnon.+ Li Arnone te xkom ta takixokol balumil, jaʼ li takixokol balumil ti te to chlik talel ta stsʼak yosil j-amorreoetik kʼalal to ta stsʼak yosil li jmoabetike. Li Arnone te xkom ta oʼlol yuʼunik li Moab xchiʼuk j-amorreoetike.

16 Li jrubenetik xchiʼuk jgadetike+ jaʼ laj kakʼbeik li osil chlik ta Galaad kʼalal to ta stenlejaltik Arnone,* jaʼ kʼot ta tsʼak yuʼunik li oʼlol stenlejaltike. Jech xtok, kʼot kʼalal to ta Jabok, jaʼ li stsʼak yosil j-ammonetik ta stenlejaltike,