7 Li Jeovae laj yakʼ sba ta ilel ta stojolal li Abrane, xi laj yalbee: «Jaʼ chkakʼbe anitilulal+ li balumil liʼe».+ Jaʼ yuʼun, li Abrane te la spas jun skajleb matanal ti bu laj yakʼ sba ta ilel Jeova ta stojolale.

14 Kʼalal xchʼakoj xa ox sba li Lote, xi albat yuʼun Jeova li Abrane: «Avokoluk, toyo li asate, kʼelo batel ta norte, ta sur, ta slokʼeb kʼakʼal xchiʼuk ta smaleb kʼakʼal, 15 yuʼun chkakʼ avuʼunin sbatel osil xchiʼuk anitilulal skotol li osil yakal chakʼele.+

17 Kʼalal 99 xa ox sjabilal li Abrane, li Jeovae laj yakʼ sba ta ilel ta stojolal xchiʼuk xi laj yalbee: «Voʼon Diosun ti Buchʼu skotol xuʼ yuʼune. Xanavan ta jtojolal xchiʼuk akʼo ta ilel ti chʼabal apaltaile.*

7 »Li jtrato la jpas xchiʼuk voʼot+ xchiʼuk li anitilulale te chkom-o kuʼun. Jaʼ jun trato ta sbatel osil xchiʼuk li jaykʼol kuxlejal ta xtal avuʼunik ta tsʼakale sventa voʼon Adiosun chikʼot xchiʼuk jaʼ Sdiosikun chikʼot yuʼunik li anitilulal chtale.