5 Mu me xanijan aba ta stojolalik xchiʼuk mu me buchʼu stijbot avoʼonton ti chatun ta stojolalike,+ yuʼun li Jeova Diosun avuʼune, jaʼ Diosun ti jtuk noʼox ta jkʼan ichʼel ta mukʼe.+ Chkakʼbe kastigo alab nichʼnabiletik ta skoj smul li totiletike. Li buchʼutik tspʼajune chkakʼbe kastigo kʼalal to ta yoxkʼolal xchiʼuk ta xchankʼolal kuxlejal.

14 Mu me xanijan aba ta stojolal yan dios,+ yuʼun li Jeovae ojtikinbil ti stuk noʼox tskʼan ichʼel ta mukʼe.* Ta melel, jaʼ jun Dios ti stuk noʼox tskʼan ichʼel ta mukʼe.+

11 «Li Fineas+ ti jaʼ xnichʼon Eleasar ti jaʼ xnichʼon li pale Aarone, laj xa yakʼ namajuk li skʼakʼal koʼonton ta stojolal li jteklum Israele, yuʼun muʼyuk stsʼik yuʼun ti ch-och jkʼexol yuʼunike.+ Jaʼ yuʼun, muʼyuk la jlajesbeik skʼoplal li j-israeletike akʼo mi oy tajek ta koʼonton ti jtuk noʼox xichʼikun ta mukʼe.+

27 Xi la stakʼe: «‹Skʼan xakʼan ta sjunul avoʼonton li Jeova* Dios avuʼune, ta sjunul akuxlejal, ta sjunul avipal xchiʼuk ta sjunul anopben›+ xchiʼuk ‹skʼan me jech xakʼan achiʼil jech kʼuchaʼal akʼanoj aba atuke›».+