VIVLIOTEKA TA INTERNET yuʼun Watchtower

VIVLIOTEKA TA INTERNET yuʼun Watchtower

VIVLIOTEKA TA INTERNET

yuʼun Watchtower

Eksodo 15:11

Xchʼul Kʼop Dios sventa Achʼ Balumil
- 11 Kajval Jeova, ¿mi oy yan diosetik kʼuchaʼal voʼote?+
  
  ¿Buchʼu yan ti jech chakʼ
  
  ta ilel ti chʼul xa noʼox tajek skʼoplal kʼuchaʼal voʼote?+
  
  Jaʼ noʼox ti buchʼu skʼan xiʼtael* xchiʼuk ti skʼan muyubtael ta kʼejojetike, jaʼ ti buchʼu labalik sba kʼusitik tspase.+

Deuteronomio 32:39

Xchʼul Kʼop Dios sventa Achʼ Balumil
- 39 Avi une akʼik venta, li voʼone, voʼon Diosun,+
  muʼyuk yan dios, jtuk noʼox.+
  
  Voʼon chimilvan xchiʼuk voʼon chkakʼ kuxlejal yan velta.+
  
  Voʼon chiyayijesvan,+ voʼon chipoxtavan xtok,+
  mi oy buchʼu och ta jkʼobe, muʼyuk xa buchʼu xuʼ xpojat.+

1 Samuel 2:2

Xchʼul Kʼop Dios sventa Achʼ Balumil
- 2 Muʼyuk buchʼu yan chʼul jech kʼuchaʼal li Jeovae,
  muʼyuk buchʼu yan, voʼot noʼox,+
  muʼyuk yan mukʼta ton jech kʼuchaʼal li Jdiostike.+

Isaias 45:18

Xchʼul Kʼop Dios sventa Achʼ Balumil
- 18 Yuʼun li Jeova
  ti jaʼ Jpasvanej yuʼun vinajele,+ ti jaʼ melel Diose,
  ti jaʼ li buchʼu la spas li balumile, ti buchʼu la smeltsan ti la snakan leke,+
  ti mu jecheʼuk noʼox la smeltsane,* ti la smeltsan sventa xichʼ naklebinele,+ xi chale:
  
  «Voʼon Jeovaun, muʼyuk buchʼu yan.

Markos 12:32

Xchʼul Kʼop Dios sventa Achʼ Balumil
- 32 Xi albat yuʼun li jchanubtasvanej ta mantale: «Jech avaʼuk, Jchanubtasvanej, melel li kʼusi laj avale: ‹Jaʼ noʼox stuk xchiʼuk muʼyuk buchʼu yan jech kʼuchaʼal li stuke›,+