9 Kʼalal la skʼanbeik koltael li Jeovae,+ li Jeovae la svaʼan jun jkoltavanej sventa spoj li j-israeletike,+ jaʼ li Otniel+ xnichʼon Kenas ti jaʼ yitsʼin li Kalebe. 10 Lik ventainatuk yuʼun s-espiritu Jeova,+ jaʼ yuʼun kʼot ta jchapanvanej ta Israel. Kʼalal bat ta paskʼope, li Jeovae laj yakʼbe ta skʼob Otniel li Kusan-Risataim ti jaʼ ajvalil ta Mesopotamiae,* jech oxal la stsal li Kusan-Risataime.

29 Li Jeftee lik ventainatuk yuʼun li s-espiritu Jeovae,+ vaʼun te echʼ batel ta Galaad xchiʼuk ta Manases sventa xbat ta Mispe ta Galaad,+ laje lokʼ batel li ta Mispe ta Galaade sventa xbat stsak ta kʼop li j-ammonetike.

24 Kʼalal kʼot skʼakʼalile, vokʼ skerem li yajnil Manoae, Sanson+ laj yakʼbe sbi; kʼalal yakal chchʼi li kʼox kereme, akʼbat-o bendision yuʼun li Jeovae. 25 Ta tsʼakale, lik ventainatuk yuʼun s-espiritu Jeova+ kʼalal jaʼo te oy ta Maane-Dane.+ Li Maane-Dane te xkom ta oʼlol yuʼunik li Sora xchiʼuk Estaole.+

6 Pe akʼbat stsatsal yuʼun li s-espiritu Jeovae,+ jaʼ yuʼun bikʼitik la slilin li leone jech kʼuchaʼal li buchʼu ta skʼob noʼox tslilin li uni chʼiom tentsune. Pe muʼyuk laj yalbe stot smeʼ li kʼusi la spase.

14 Kʼalal kʼot ta Leie, li jfilisteaetike tsots lik avanikuk ta muyubajel kʼalal laj yilik ti te xa stsakojik li Sansone. Pe akʼbat yip yuʼun li s-espiritu Jeovae,+ jaʼ yuʼun li chʼojon ti pechʼbil-oe lilij yalel kʼuchaʼal jlik no ti pasbil ta lino kʼalal chichʼ chikʼele, jech xtok, li kadena ti chukul-o skʼobe lilij yalel.+

6 Ta tsʼakal une, xi laj yalbune: «Li Jeovae xi chalbe li Sorobabele: ‹«Maʼuk ta skoj sjuʼel epal soltaroetik, maʼuk ta skoj sjuʼel krixchano,+ yuʼun jaʼ ta skoj j-espiritu+ ti jech chkʼotanuk ta pasele», xi li Jeova ti jaʼ bankilal yuʼun soltaroetike.*