10 li Nabale xi laj yalbe li yajtuneltak Davide: «¿Buchʼu xa noʼox li Davide? ¿Buchʼu xa noʼox li xnichʼon Jese chavalike? Li avie, ep mosoiletik chjatavik lokʼel ta stojolal li yajvalike.+

14 Kʼalal jaʼo jech yakal chkʼot ta pasele, oy jun yajtunel Nabal ti xi bat yalbe li Abigaile, li yajnil Nabale: «Li David ti te oy ta takixokol balumile la stak talel yaj-almantaltak ta stojolal li kajvale, albat ti oy ta yoʼonton ti lekuk oye, pe jaʼ noʼox tsotsik xa ye la stakʼbe sutel xchiʼuk la xchopol kʼopta batel.+